МІНСК, 17 вер — Sputnik. Мінск прызнаны самым папулярным горадам для восеньскіх падарожжаў сярод турыстаў СНД. Па дадзеных аналітычнага агенцтва "ТурСтат", беларуская сталіца ўзначаліла рэйтынг гарадоў СНД па выніках аналізу папулярнасці турпаездак восенню 2018 года.
У першай тройцы апынуліся таксама Астана і Баку — выхадныя тут, на думку турыстаў, цікавыя не толькі насычанай экскурсійнай праграмай, але і добрым шопінгам.
Па дадзеных агенцтва, у сярэднім турысты прыязджаюць да нас восенню на тры дні і аддаюць ад $30 да $80 у суткі на пражыванне і харчаванне.
Летам, па выніках аналагічнага рэйтынгу, Мінск саступіў Баку ў топе турыстычных прыярытэтаў жыхароў СНД. Але зараз турысты палічылі Мінск больш прыдатным горадам для павольных восеньскіх прагулак.
