За 15-гадовую гісторыю фестывалю "Тэатральны куфар" назапасіўся вялікі багаж краін і тэатральных калектываў — за ўвесь гэты перыяд у Беларусі пабывалі амаль 160 тэатраў з 65 краін свету, распавяла ў гутарцы на радыё Sputnik Беларусь дырэктар Міжнароднага фестывалю студэнцкіх і маладзёжных тэатраў "Тэатральны куфар" у Белдзяржуніверсітэце Кацярына Саладуха.
"Вялікая колькасць людзей і персанажаў выходзяць на сцэну падчас фестывалю, а наогул мы схіляемся да канцэпцыі душэўнага фестывалю, за гэта "Куфар" і любяць, за яго асаблівую атмасферу, калі мы ўсе разам 24 гадзіны 7 дзён бесперапынна жывем тэатрам, зносінамі, абменам вопытам", — распавядае Саладуха.
У фестывальнай праграме заяўлены студэнцкія і моладзевыя тэатры з розных краін, сярод якіх ёсць і аматарскія, і прафесійныя калектывы. Цікава, што часцей за ўсё спектаклі непрафесіяналаў аказваюцца больш эмацыйнымі і душэўнымі, таму што для акцёраў-аматараў тэатр — гэта любоў і запал, а не штодзённая праца, адзначае дырэктар фестывалю.
Тэатральная дэкада пачнецца ўжо ў панядзелак 17 верасня спецыяльнай фотавыставай па матывах ўсіх падзей фестывалю за яго 15-гадовую гісторыю. Услед за фотавыставай праграму працягне дыскусія аб праблемах сучаснага тэатра. Паказы спектакляў пройдуць з 20 па 27 верасня ў Ліцэі БДУ, на філалагічным факультэце БДУ і ў Нацыянальным цэнтры мастацкай творчасці дзяцей і моладзі.
Поўную версію размовы з дырэктарам Міжнароднага фестывалю студэнцкіх і маладзёжных тэатраў "Тэатральны куфар" Кацярынай Саладухай слухайце на радыё Sputnik Беларусь.
