С.-ПЕЦЯРБУРГ, 20 вер — прэс-служба Sputnik. Прэтэнзіі, якія прад'яўляюцца ў шэрагу краін Захаду да міжнароднага агенцтва і радыё Sputnik, тлумачацца высокай эфектыўнасцю яго ўздзеяння на мэтавую аўдыторыю. Такое меркаванне выказала афіцыйны прадстаўнік МЗС РФ Марыя Захарава, выступаючы на форуме Baltic Weekend.
Яна нагадала, што папярэдніца Sputnik, радыёвяшчальная кампанія "Голас Расіі", ніколі не падвяргалася падобным нападкам. "Што ж змянілася? Колькасць моў? У "Голосе России" іх было нават больш. Мэты і задачы? Яны засталіся тымі ж. Гісторыя? Ды не. Проста Sputnik стаў эфектыўным. Сваёй інфармацыяй вы знаходзіце аптымальны шлях да той аўдыторыі, якая вам важная", — падкрэсліла Захарава.
"Як толькі мы становімся глабальна эфектыўнымі, як толькі выходзім на канкурэнтаздольны ўзровень, тут жа сканчаюцца правілы, маментальна! Не застаецца ні талерантнасці, ні павагі да права, да нормаў закона. Мы апыняемся на тых касмічных арбітах, дзе зямныя законы перастаюць дзейнічаць, — адзначыла афіцыйны прадставіць МЗС РФ. — Асноўныя прэтэнзіі ў адрас Sputnik, якія я чую ад замежных калегаў і журналістаў, перш за ўсё французскіх, — "яны распаўсюджваюць дэзінфармацыю". У адказ я кажу: "Падрыхтуйце падборку прыкладаў такой дэзінфармацыі". Дык вось за ўвесь гэты час нам не даслалі ніводнай навіны Sputnik, якая магла б быць прыраўнаная да дэзінфармацыі".
Baltic Weekend — найбуйнейшы ў Еўропе міжнародны форум па камунікацыях, які штогод праходзіць у Паўночнай сталіцы Расіі — Санкт Пецярбургу. За 17 гадоў Baltic Weekend зарэкамендаваў сябе як эфектыўная дыскусійная пляцоўка для дыялогу паміж расійскімі і замежнымі прафесіяналамі ў галіне камунікацый, а таксама прадстаўнікамі бізнесу, улады, мас-медыя, адукацыйных структур і грамадскіх арганізацый, зацікаўленых у развіцці прафесійных і этычных камунікацый. Арганізатарам форуму выступае камунікацыйнае агенцтва SPN Communications.
Sputnik з'яўляецца генеральным міжнародным партнёрам Baltic Weekend 2018. Sputnik — адно з найбуйнейшых міжнародных СМІ, якое аб'ядноўвае мультымедыйныя краінавыя і рэгіянальныя інтэрнэт-сайты на 32 мовах, аналагавае і лічбавае радыёвяшчанне на рускай, англійскай і французскай мовах у 80 гарадах свету і ў інтэрнэце. Навінавыя стужкі Sputnik кругласутачна пастаўляюць інфармацыю вядучым выданням па ўсім свеце на англійскай, арабскай, іспанскай і кітайскай мовах. Аўдыторыя інфармацыйных рэсурсаў Sputnik складае больш за 50 мільёнаў наведвальнікаў у месяц, колькасць падпісчыкаў акаўнта Sputnik China ў Вэйба дасягае амаль 9 мільёнаў. У 22 рэдакцыйных цэнтрах па ўсім свеце ад Пекіна да Монтавідэа працуе звыш тысячы чалавек дзясяткаў нацыянальнасцяў. Sputnik уваходзіць у Медыягрупу "Россия сегодня". Галаўны офіс Sputnik знаходзіцца ў Маскве.
