Папа Рымскі Францыск пачаў апостальскі візіт з Вільнюса

© REUTERS / Vatican MediaПапа Рымскі Францыск і прэзідэнт Літвы Даля Грыбаўскайтэ
Папа Рымскі Францыск і прэзідэнт Літвы Даля Грыбаўскайтэ - Sputnik Беларусь
Падпісацца
У віленскім аэрапорце пантыфіка сустракалі прэзідэнт Літвы Даля Грыбаўскайтэ, прэм'ер-міністр рэспублікі, кіраўнік МЗС, а таксама кіраўніцтва мясцовай каталіцкай царквы.

МІНСК, 22 вер — Sputnik. Цырымонія сустрэчы Папы Рымскага Францыска прайшла ў аэрапорце Вільні, куды ён прыбыў у рамках апостальскага візіту ў суботу, паведамляе Spuntik Літва.

У віленскім аэрапорце пантыфіка сустракалі прэзідэнт Літвы Даля Грыбаўскайтэ, прэм'ер-міністр рэспублікі, кіраўнік МЗС, а таксама кіраўніцтва мясцовай каталіцкай царквы. Візіт у краіны Балтыі стаў для яго першым, раней постсавецкія рэспублікі з гістарычным візітам наведваў Папа Ян Павел II у 1993 годзе.

© REUTERS / Vatican MediaПапа Рымскі Францыск прыляцеў у Літву
Папа Римский Франциск прилетел в Литву - Sputnik Беларусь
Папа Рымскі Францыск прыляцеў у Літву

Цырымонія прайшла ва ўрачыстай абстаноўцы: прысутнічала ганаровая варта, прагучаў гімн Святога трона і гімн Літвы ў выкананні аркестра літоўскага войска, акрамя таго, у аэрапорце сабралася каля 200 вучняў з каталіцкіх школ у суправаджэнні бацькоў і выкладчыкаў.

У першы дзень візіту кіраўніка Ватыкана праезд у грамадскім транспарце Вільнюса зрабілі бясплатным. На сустрэчу з ім у сталіцы Літвы сабраліся тысячы вернікаў, за парадкам на мерапрыемствах будуць сачыць каля тысячы праваахоўнікаў, будзе ажыццяўляцца строгая праверка.

© REUTERS / Vatican MediaПапа Рымскі Францыск выступае ў Вільнюсе
Папа Римский Франциск выступает в Вильнюсе - Sputnik Беларусь
Папа Рымскі Францыск выступае ў Вільнюсе

Па праграме, 22 верасня Папа Рымскі звернецца да літоўцаў з прамовай ля будынка прэзідэнцкага палаца, а пазней сустрэнецца з моладдзю на Кафедральнай плошчы.

На 23 верасня ў Каўнасе намечана святая імша (еўхарыстыя) пры яго ўдзеле, а таксама наведванне ім помніка ахвярам Віленскага гета і музея акупацыі і барацьбы за свабоду літоўскага народа. Даўжэй усяго пантыфік прабудзе менавіта ў Вільні, там жа ён будзе начаваць.

У Ватыкан Папа вернецца з Таліна 25 верасня.

Стужка навiн
0