Фестываль "Бакінскі бульвар" прайшоў у цэнтры Мінска 22 верасня. Госці свята змаглі пакаштаваць сапраўдны азербайджанскі плоў, шашлык, долму і запіць усё гэта сапраўдным гранатавым віном. У праграме арганізатары прадугледзелі і актыўны адпачынак: розныя конкурсы, спаборніцтвы і віктарыны для ўсёй сям'і.
На канцэртнай пляцоўцы перад гараджанамі выступілі зоркі азербайджанскай і беларускай эстрады, сярод якіх Самір Джафараў, Лала Мамедава, Джахангір Курбанаў, Гюнеш Абасава, Руслан Асланаў і іншыя. Таксама кожны госць свята змог станчыць лезгінку і яллы.
Скончылася свята бліжэй да паўночы вогненным шоу.
