Ацяпленне могуць уключыць ужо на пачатку наступнага тыдня

© Sputnik / Кирилл Каллиников / Перайсці ў медыябанкБатарэя ацяплення
Батарэя ацяплення - Sputnik Беларусь
Падпісацца
Сярэднесутачная тэмпература ў Мінску яшчэ ў аўторак апусцілася ніжэй за + 8°С.

МІНСК, 28 вер — Sputnik. Ацяпленне ў жылых дамах Мінска могуць уключыць ужо на пачатку наступнага тыдня пры ўмове захавання бягучых умоў надвор'я, паведамляе Sputnik.

Пахаладанне прыйшло ў Беларусь напрыканцы мінулага тыдня, аднак чыноўнікі пакуль не спяшаюцца ўключаць ацяпленне — не выконваецца ўстаноўленае заканадаўствам патрабаванне. Для таго, каб пачаць даваць цяпло ў дамы, тэмпература паветра павінна пяць дзён трымацца на сярэднім узроўні да васьмі градусаў цяпла.

Ужо ў аўторак і сераду ў Мінску сярэднясутачная тэмпература была ніжэй за гэты ўзровень: 7,3°С і 7,2°С адпаведна. Калі падобнае надвор'е захаваецца і далей, то ўжо ў выхадныя неабходны "парог" па колькасці халодных дзён будзе пераадолены.

Дакладных тэрмінаў уключэння ацяплення чыноўнікі пакуль не называюць — усё залежыць ад умоў надвор'я.

Згодна з папярэднімі прагнозамі, напрыканцы бягучага тыдня ў сталіцы захаваецца халаднаватае надвор'е: у пятніцу чакаецца да + 14°С удзень і ўсяго + 4°С уначы, у ноч на суботу — + 1°С, удзень — 11°С. На нядзелю абяцаюць + 3°С уначы і + 13°С удзень.

Пацяплення, або так званага "бабінага лета", пакуль не прагназуецца — на наступным тыдні захаваецца досыць халаднаватае надвор'е з тэмпературай паветра + 9… + 14 удзень і + 4°С… + 6°С уначы.

Стужка навiн
0