МІНСК, 2 кас — Sputnik. Штармавое папярэджанне з-за моцнага ветру абвешчана ў Беларусі на сераду 3 кастрычніка, паведамілі Sputnik у аўторак у Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя.
"Раніцай і днём у сераду ў многіх раёнах чакаецца ўзмацненне ветру парывамі да 15-20 метраў у секунду", — паведамілі сіноптыкі.
У Гідрамеце таксама праінфармавалі, што ветранае надвор'е захаваецца ў рэспубліцы і наступныя суткі — у чацвер 4 кастрычніка.
У сувязі з неспрыяльнымі ўмовамі надвор'я ў Беларусі быў аб'яўлены перадапошні — аранжавы — узровень небяспекі.
Аранжавы ўзровень небяспекі аб'яўляецца ў выпадку, калі ўмовы надвор'я могуць прадстаўляць рэальную пагрозу, негатыўна ўплываць на сацыяльна-эканамічную дзейнасць і прыводзіць да значнага матэрыяльнага ўрону, а таксама магчымым ахвярам сярод насельніцтва.
