Давыдзька: блогеры - гэта дзеці фэйка

Падпісацца на
НовостиTelegram
Адна з самых вялікіх праблем у барацьбе з фэйкавымі навінамі цяпер - гэта адсутнасць адказнасці блогераў за такую ​​інфармацыю.

МІНСК, 3 кас — Sputnik. Трэба даваць прававую ацэнку дзеянням людзей, якія распаўсюджваюць у інтэрнэце фэйкавыя навіны, пра гэта ў сераду падчас круглага стала ў рамках фестывалю "Еўразія.DOC" на тэму: "Дакументальнае кіно ў эпоху постпраўды" ў МПЦ Sputnik Беларусь заявіў намеснік старшыні пастаяннай камісіі Савета Рэспублікі па рэгіянальнай палітыцы і мясцовым самакіраванні, публіцыст Генадзь Давыдзька.

Палітычны аглядальнік Андрэй Крывашэеў - Sputnik Беларусь
Крывашэеў: галоўная небяспека эпохі постпраўды – фэйк

"Зараз вельмі прыемна і проста набыць славу на хлусні: ты зрабіў нейкую гадасць — і знакаміты. Раней, каб быць у славе, у пашане, трэба было напісаць як мінімум 50 артыкулаў, дзесяць з якіх былі прыкметнымі, потым — каб цябе прынялі у Саюз журналістаў, потым — каб неяк цябе шанавалі. І толькі потым ты ўжо вядомы. Зараз ты проста плюнуў гадасцю нейкай у інтэрнэце, ты за гэта не адказваеш, але ты — папулярны чалавек, яго вялікасць блогер. І яго ўсё ведаюць! Хочам мы, не хочам, але гэта так. І гэта — дзеці вось гэтага самага фэйка", — падкрэсліў ён.

Па словах публіцыста, трэба даваць эмацыйную, сэнсавую і прававую ацэнку такім дзеянням. "Хацелася б, каб у нас была з гэтай нагоды нейкая сістэма і ў журналісцкім крузе, і ў заканадаўстве таксама. Эпоха фэйка — гэта страшна. Вельмі цяжка адрозніць, калі таленавіты чалавек займаецца гэтай справай. Наступіла стагоддзе, калі важна славіцца, а не быць. Важна зрабіць уражанне і не адказваць потым за гэта. Хто можа прывучыць адказваць за слова? Толькі закон, больш ніхто", — перакананы Давыдзька.

Круглы стол у межах фестывалю "Евразия.DOC" на тэму: "Дакументальнае кіно ў эпоху постпраўды" прайшоў у МПЦ Sputnik Беларусь. Эксперты ў галіне журналістыкі і дакументальнага кіно абмеркавалі праблему фэйкавых навін, якія з'яўляюцца адной з галоўных прыкмет эпохі постпраўды.

Фестываль дакументальнага кіно краін Садружнасці Незалежных Дзяржаў "Еўразія.DOC" праходзіць у Мінску з 1 па 4 кастрычніка ўжо ў трэці раз. У кароткую праграму фестывалю ўвайшлі 24 фільма з 12 краін.

Стужка навiн
0