У Беларусі знайшлі новы від птушак

Падпісацца на
НовостиTelegram
Аўсянку-рэмез лёгка зблытаць з вераб'ём, яна стане 333-й птушкай з "беларускай прапіскай".

МІНСК, 3 кас — Sputnik. Новы від птушак адзначаны ў Беларусі — арнітолагі злавілі і акальцавалі ў рэспубліцы аўсянку-рэмез, паведамілі ў грамадскай арганізацыі "Ахова птушак Бацькаўчшыны".

Чорнагаловы шчыгол - Sputnik Беларусь
Птушкі заваёўваюць рэгіёны: графіці са шчыглом можа з’явіцца ў Карме

Новы для Беларусі від птушак злавілі і акальцавалі арнітолагі Дзяніс Кіцель і Юры Янкевіч, знаходку яны зрабілі на тэрыторыі Віцебскай вобласці.

Злавілі аўсянку-рэмез у Беларусі 2 кастрычніка — у Верхнядзвінскім раёне ў пойме ракі Свольна. Арнітолагі не выключаюць, што бывала гэтая птушачка ў рэспубліцы і раней, аднак афіцыйна яна зафіксавана ў Беларусі не была.

Аўсянка-рэмез стане 333-м відам птушак, зарэгістраваным у Беларусі. Цікава, што Дзяніс Кіцель злавіў і акальцаваў у розныя гады пяць новых для краіны відаў птушак.

Аўсянку-рэмез з непрафесійнага погляду лёгка зблытаць з вераб'ём — яна такая ж маленькая і падобная па расфарбоўцы. Гэта тайговы від, ён распаўсюджаны шырокай палоскай ад Паўночнай Еўропы да Камчаткі і Алеўцкіх астравоў.

Стужка навiн
0