Лукашэнка: дзякуючы Філарэту хрысціяне давяраюць праваслаўнай царкве

© Photo : РПЦМітрапаліт Філарэт
Мітрапаліт Філарэт - Sputnik Беларусь
Падпісацца
Ганаровы Патрыяршы Экзарх адзначае юбілей свайго прызначэння на Беларускую праваслаўную кафедру.

МІНСК, 10 кас - Sputnik. Прэзідэнт Беларусі накіраваў віншаванне ганароваму Патрыяршаму Экзарху ўсяе Беларусі мітрапаліту Філарэту ў сувязі з 40-годдзем прызначэння на Мінска-Беларускую кафедру, паведамілі ў прэс-службе кіраўніка дзяржавы.

Паводле слоў Аляксандра Лукашэнкі, дзейнасць ганаровага Патрыяршага Экзарха дапамагала на працягу многіх гадоў аб'ядноўваць людзей, нягледзячы на розныя погляды.

"Дзякуючы Вашай дзейнасці хрысціяне Беларусі давяраюць Праваслаўнай Царкве як апоры духоўнасці і высокіх маральных каштоўнасцяў", - адзначыў беларускі лідар.

Пры гэтым ён дадаў, што вернасць мітрапаліта Філарэта такім ідэалам, як любоў і міласэрнасць, застаецца прыкладам для навакольных.

"Упэўнены, што Вашы веды, мудрасць і малітоўная падтрымка будуць і далей дапамагаць людзям у пошуку дакладнага шляху, спрыяць умацаванню аўтарытэта Беларускай Праваслаўнай Царквы", - падкрэсліў Аляксандр Лукашэнка.

У віншавальным лісце ад беларускага прэзідэнта ёсць таксама пажаданні здароўя і міру Мітрапаліту Філарэту, а таксама паспяховага служэння Беларусі і праваслаўю.

Стужка навiн
0