МІНСК, 14 кас - Sputnik. Галоўны рэдактар радыёстанцыі "Эхо Москвы" Аляксей Венедыктаў быў праапераваны ў адной з маскоўскіх клінік, зараз журналіст адчувае сябе добра, паведамляе Sputnik.
Раней у СМІ з'явілася інфармацыя, што Венедыктаў быў шпіталізаваны. Ён быў дастаўлены ў хірургічнае аддзяленне. Іншых падрабязнасьцяў не прыводзілася.
"Адказваю. Так, мяне ўчора тэрмінова шпіталізавалі з вострым болем у нырцы. Так, мяне ўчора неадкладна прааперавалі ў адной з маскоўскіх бальніц", - напісаў Венедыктаў у Telegram.
Ён дадаў, што правядзе ў шпіталі тыдзень, назіраючы за светам "праз інтэрнэт і акно бальнічнай палаты".
"Так, аперацыя прайшла паспяхова. І так - адчуваю сябе адносна нядрэнна. Вялікі дзякуй урачам", - сказаў журналіст.
Венедыктаў таксама падзякаваў усім, хто цікавіцца яго здароўем і жадае выздараўлення.
