Фарбавалі фасады і пыласосілі траву: як Гродна рыхтавалі да візіта Лукашэнкі

© Sputnik / Инна ГришукЗакінуты дом у Гродне
Закінуты дом у Гродне - Sputnik Беларусь
Падпісацца на
НовостиTelegram
У некалькіх раёнах абласнога цэнтра больш за два тыдні наводзілі парадак, каб падрыхтаваць горад да прыезда кіраўніка дзяржавы.

ГРОДНА, 17 кас - Sputnik, Іна Грышук. Пафарбавалі даўно пустуючыя хаты, нанеслі дарожную разметку напярэдадні зімы і нават "прапыласосілі" траву: напярэдадні прыезда прэзідэнта Беларусі Аляксандра Лукашэнкі ў Гродне з асаблівай дбайнасцю наводзяць парадкі па маршруце руху прэзідэнцкага картэжу.

Будуюць паркоўку для прэзідэнта

Папярэдне вядома, што Лукашэнка павінен прыляцець у Гродна на верталёце. Адно з меркаваных месцаў, дзе можа прызямліцца прэзідэнцкі верталёт - пляцоўка насупраць абласной паліклінікі ў Пышках. Тут месца пасадкі абгароджана бел-чырвонай стужкай.

© Sputnik / Инна ГришукМеркаваную верталётную пляцоўку пазначылі на пустцы каля абласной бальніцы
Фарбавалі фасады і пыласосілі траву: як Гродна рыхтавалі да візіта Лукашэнкі - Sputnik Беларусь
Меркаваную верталётную пляцоўку пазначылі на пустцы каля абласной бальніцы

Насупраць, на тэрыторыі бальніцы, заканчваюць тынкаваць і фарбаваць фасад абласной паліклінікі, а на тэрыторыі рабочыя збіраюць апалае лісце. Па ўсім маршруце нанесеная свежая дарожная разметка.

© Sputnik / Инна ГришукНа тэрыторыі спартыўнага комплексу ў Пышкі ў чарговы раз падмятаюць лісце
Фарбавалі фасады і пыласосілі траву: як Гродна рыхтавалі да візіта Лукашэнкі - Sputnik Беларусь
На тэрыторыі спартыўнага комплексу ў Пышкі ў чарговы раз падмятаюць лісце

Далей кіраўнік дзяржавы можа накіравацца ў любімае месца адпачынку гараджан - лесапарк Пышкі, каб паглядзець адкрыты паўтара гады таму новы футбольны манеж. Тут жа размяшчаецца і крыты хакейны каток, праходзіць шмат трэніровак.

© Sputnik / Инна ГришукРамантуюць некаторыя бардзюры
Фарбавалі фасады і пыласосілі траву: як Гродна рыхтавалі да візіта Лукашэнкі - Sputnik Беларусь
Рамантуюць некаторыя бардзюры

Тут таксама поўным ходам ідзе падрыхтоўка. Адны рабочыя ў чарговы раз падмятаюць апалае лісце, іншыя - рамантуюць бардзюры, трэція - выкладваюць тратуарнай пліткай паркоўку, магчыма, прызначаную для прэзідэнцкага аўтамабіля.

© Sputnik / Инна ГришукНа тэрыторыі спарткомплексу выкладваюць пліткай паркоўку, магчыма, для прэзідэнцкага аўто
Фарбавалі фасады і пыласосілі траву: як Гродна рыхтавалі да візіта Лукашэнкі - Sputnik Беларусь
На тэрыторыі спарткомплексу выкладваюць пліткай паркоўку, магчыма, для прэзідэнцкага аўто

Збіралі лісце і пыласосілі траву

На працягу ўсяго маршрута кідаецца ў вочы з асаблівай дбайнасцю прыбранае лісце.

© Sputnik / Инна ГришукУ раёне верталётнай пляцоўкі апалае лісце выграблі і сабралі ў купкі
Фарбавалі фасады і пыласосілі траву: як Гродна рыхтавалі да візіта Лукашэнкі - Sputnik Беларусь
У раёне верталётнай пляцоўкі апалае лісце выграблі і сабралі ў купкі

Калі сысці крыху ў бок і праехаць метраў 50 ад кальца на Фортах, які вядзе ў цэнтр ад абласной бальніцы, то можна ўбачыць тоўсты дыван з апалага лісця. Побач з кальцавой развязкай і ўздоўж дарогі работнікі ЖКГ грузяць на машыны сабранае ў купкі лісце.

На тэрыторыі ўздоўж меркаванага маршрута работнікі ЖКГ актыўна прыбіраюць апалае лісце
Фарбавалі фасады і пыласосілі траву: як Гродна рыхтавалі да візіта Лукашэнкі - Sputnik Беларусь
На тэрыторыі ўздоўж меркаванага маршрута работнікі ЖКГ актыўна прыбіраюць апалае лісце

На мінулым тыдні на вуліцы Бульвар Ленінскага Камсамола (па-простаму БЛК - Sputnik) можна было бачыць, як з падзяляльнай паласы лісце здзімалі з-пад кусцікаў з дапамогай спецыяльнага пыласоса, а затым грузілі ў кузаў машыны. Праўда, ужо на наступны дзень жоўтае лісце зноў нападала.

Пафарбавалі закінутыя дамы

Старыя драўляныя будынкі на пачатку вуліцы Горкага апошнія некалькі дзён блішчаць свежай фарбай і пабелкай. Хоць некаторыя з іх адселеныя і павінны пайсці пад знос.

© Sputnik / Инна ГришукПрыватная фірма фарбуе вокны ў будынку па вуліцы Горкага, якое некалькі гадоў пустуе
Фарбавалі фасады і пыласосілі траву: як Гродна рыхтавалі да візіта Лукашэнкі - Sputnik Беларусь
Прыватная фірма фарбуе вокны ў будынку па вуліцы Горкага, якое некалькі гадоў пустуе

З боку дарогі пафарбаваныя фасады, вокны, адрамантаваныя і пабеленыя коміны.

А вось фасады з боку двароў засталіся са старой аблезлай фарбай. На скрыжаванні вуліц Горкага і Міцкевіча ў колер травы пафарбаваныя нават каналізацыйныя люкі.

© Sputnik / Инна ГришукУ колер травы пафарбаваныя нават люкі, а фасад з боку двара - не
Фарбавалі фасады і пыласосілі траву: як Гродна рыхтавалі да візіта Лукашэнкі - Sputnik Беларусь
У колер травы пафарбаваныя нават люкі, а фасад з боку двара - не

Вонкавы глянец зрабілі нават на хатах, якія былі прызнаныя аварыйнымі. З двара на дзвярах такіх дамоў вісяць замкі і шыльды з надпісам "Не ўваходзіць! Небяспечная зона!".

© Sputnik / Инна ГришукГэты дом даўно прызналі аварыйным, адсялілі жыхароў, а напярэдадні прыезду прэзідэнта яго пафарбавалі з боку дарогі
Фарбавалі фасады і пыласосілі траву: як Гродна рыхтавалі да візіта Лукашэнкі - Sputnik Беларусь
Гэты дом даўно прызналі аварыйным, адсялілі жыхароў, а напярэдадні прыезду прэзідэнта яго пафарбавалі з боку дарогі

Яшчэ адзін свежапафарбаваны аварыйны дом размяшчаецца на скрыжаванні Горкага і Міцкевіча. Раней былі планы знесці яго, так як пражыванне людзей у ім стала небяспечным для жыцця, а рамонт занадта дарагім.

© Sputnik / Инна ГришукГэты дом раней хацелі знесці, а напярэдадні прыезда прэзідэнта пафарбавалі зялёнай фарбай
Фарбавалі фасады і пыласосілі траву: як Гродна рыхтавалі да візіта Лукашэнкі - Sputnik Беларусь
Гэты дом раней хацелі знесці, а напярэдадні прыезда прэзідэнта пафарбавалі зялёнай фарбай

Работы па падрыхтоўцы горада да візіта прэзідэнта ў Гродна ідуць ужо не першы тыдзень. Спачатку ў горадзе казалі, што кіраўнік дзяржавы павінен прыехаць 5 кастрычніка, затым паведамілі, што візіт перанесены на 19-е чысло. Лукашэнка - нячасты госць у Гродне. У апошні раз ён наведаў абласны цэнтр у 2014 годзе.

Стужка навiн
0