ВІЦЕБСК, 18 кас - Sputnik. Помнік дэсантнікам адкрылі ў Віцебску, грошы на скульптуру ахвяравалі гараджане і грамадскія арганізацыі, паведаміў карэспандэнт Sputnik.
![Народны помнік дэсантнікам адкрылі ў Віцебску Народны помнік дэсантнікам адкрылі ў Віцебску - Sputnik Беларусь](https://cdnn11.img.sputnik.by/img/103822/57/1038225774_0:0:2730:2048_600x0_80_0_0_da31b4926d8e67de8946571f3b66ead3.jpg)
З ініцыятывай адкрыць помнік дэсантнікам ў Віцебску выступілі некалькі абласных грамадскіх арганізацый, яны ж і забяспечылі збор сродкаў для рэалізацыі праекта.
"Для ўсіх воінаў-дэсантнікаў Віцебск заўсёды асацыяваўся са 103-й Паветрана-дэсантнай дывізіяй і яе прадаўжальнікамі - 103 дэсантнай брыгадай. Усталяваўшы гэты помнік, мы кажам, што Віцебск - сталіца беларускіх дэсантнікаў", - сказаў на адкрыцці помніка камандуючы сіламі спецыяльных аперацый Узброеных сіл рэспублікі Беларусь генерал-маёр Вадзім Дзянісенка.
Скульптурная кампазіцыя атрымалася вялікай, цікавай і складаецца з трох частак, адну з якіх выканалі ў колеры.
![Народны помнік дэсантнікам адкрылі ў Віцебску Народны помнік дэсантнікам адкрылі ў Віцебску - Sputnik Беларусь](https://cdnn11.img.sputnik.by/img/103822/59/1038225983_0:0:2730:2048_600x0_80_0_0_50f36a63f73b3d8fbb7caeb726356afe.jpg)
Па словах старшыні Віцебскага аблвыканкама Мікалая Шарстнёва, першапачатковы эскіз, які быў распаўсюджаны ў інтэрнэце, пасля дапрацоўваўся ў адпаведнасці з заўвагамі мастацка-экспертнага савета і саміх дэсантнікаў.
![Народны помнік дэсантнікам адкрылі ў Віцебску Народны помнік дэсантнікам адкрылі ў Віцебску - Sputnik Беларусь](https://cdnn11.img.sputnik.by/img/103822/58/1038225847_0:0:2730:2048_600x0_80_0_0_73177a8e72999c70b9fed8085c9ed21c.jpg)
Як адзначылі на адкрыцці служачыя 103-й паветрана-дэсантнай брыгады, новы помнік - даніна гісторыі, а яшчэ ён дапаможа выхоўваць моладзь у ваенна-патрыятычным духу. Гледзячы на скульптуру дэсантніка, вайскоўцы адчуваюць гонар за тое, што належаць да гэтага роду войскаў.