Прэзідэнт расказаў пра свае студэнцкія гады: не самыя шчаслівыя

© Sputnik / Виктор ТолочкоСтудэнцкая аўдыторыя, архіўнае фота
Студэнцкая аўдыторыя, архіўнае фота - Sputnik Беларусь
Падпісацца
Паводле слоў Лукашэнкі, ён па складзе розуму з'яўляецца гуманітарыем, аднак яго прымусілі вывучаць інфарматыку і вышэйшую матэматыку - тое, што ў жыцці не спатрэбілася.

МІНСК, 19 кас - Sputnik. Прэзідэнт Беларусі Аляксандр Лукашэнка назваў свае студэнцкія гады не самымі шчаслівымі, такую заяву ён зрабіў у пятніцу ў ходзе размовы з гродзенскімі студэнтамі.

Школьныя падручнікі - Sputnik Беларусь
Я гуманітарый: Лукашэнка расказаў пра любімыя школьныя прадметы

"Для мяне гэта не самыя шчаслівыя гады, гэта самыя цяжкія гады. Я не ведаю, як у вас, але ў мяне было так: і тады, калі я вучыўся, асвойваючы гісторыю, і тады, калі мне давялося займацца эканомікай. Я па складзе гуманітарый, а потым мяне пасадзілі на лаўку і прымусілі вывучаць інфарматыку, вышэйшую матэматыку і іншае, якое ў асноўным мне ў жыцці не спатрэбілася", - распавёў прэзідэнт.

Таму, прызнаўся Лукашэнка, ён і надае цяпер шмат увагі ўдасканаленню вышэйшай адукацыі ў Беларусі.

"Я спрабую зрабіць яе практыка-арыентаванай, настойваю на тым, каб час знаходжання ў ВНУ быў скарочаны да мінімуму. Калі магчыма за чатыры гады атрымаць адукацыю, трэба, значыць, за чатыры, а не за пяць ці за шэсць", - падкрэсліў кіраўнік дзяржавы.

Прэзідэнт адзначыў: калі не з першага, то максімум з другога курса студэнт павінен быць ужо "ў полі, ля станка, з фотакамерай" - у залежнасці ад спецыяльнасці.

Кіраўнік дзяржавы неаднаразова выказваўся пра неабходнасць большай колькасці практыкаарыентаваных прадметаў у ВНУ, а таксама за ранняе прыцягненне студэнтаў да будучых прафесій. У апошнія гады па большасці спецыяльнасцяў тэрміны навучання былі скарочаныя з пяці да чатырох гадоў, а гуманітарныя курсы (філасофія, сацыялогія, эканамічная тэорыя) былі інтэграваныя ў адзін прадмет.

Стужка навiн
0