"Залатую котку" вобласці выбіралі на міжнароднай выставе ў Віцебску

© Sputnik Павел ВурБенгальская котка Ханна, якую прывезлі з Літвы
Бенгальская котка Ханна, якую прывезлі з Літвы - Sputnik Беларусь
Выстава ў горадзе на Дзвіне - адзін з адборачных этапаў на міжнародны конкурс "Залатая котка", які пройдзе ў Санкт-Пецярбургу.

ВІЦЕБСК, 22 кас - Sputnik. На працягу двух дзён у Віцебску праходзіла міжнародная выстава катоў, дзе выбіралі не толькі лепшых прадстаўнікоў сваёй пароды сярод жывёл, якія прыехалі з некалькіх краін свету, але і "Залатую котку Віцебска".

Касматае "золата"

"У нас атрымалася вельмі цікавая выстава. На ёй прадстаўлены больш за 90 котак разнастайных парод, прычым, некаторыя з іх рэдкія. Удзельнікі прыехалі з Літвы, Латвіі, Украіны, Расіі і іншых краін. Таксама мы праводзім конкурс сярод беспародных стэрылізаваных і кастрыраваны котак і катоў, яны не атрымліваюць званняў, але мы іх узнагароджваем падарункамі. Больш за ўсё ўдзельнікаў прыехала з Расіі", - распавяла Sputnik старшыня ФОО "Містэр кот" эксперт па ўсіх пародах Сусветнай федэрацыі котак Вольга Рагачова-Кузака.

© Sputnik Павел ВурДзеці маглі пагладзіць котак, хоць гаспадарам гэта і не вельмі падабалася
Залатую котку вобласці выбіралі на міжнароднай выставе ў Віцебску - Sputnik Беларусь
Дзеці маглі пагладзіць котак, хоць гаспадарам гэта і не вельмі падабалася

Па словах суразмоўніцы, на выставе прысутнічалі прадстаўнікі кампаній, якія вырабляюць кармы прэміум-класа, хатнюю мэблю і касметыку для катоў. Таму ўдзельнікі маглі не толькі паказаць свайго гадаванца, але і купіць усё неабходнае для яго. Акрамя таго, на месцы можна было набыць і пародзістае кацяняці ў заводчыкаў, праўда, кошты на некаторых даходзілі да тысячы долараў і вышэй.

У канцы двух конкурсных дзён журы выбрала "Залатую котку Віцебска - 2018". У гэтым годзе за падвеску ў выглядзе кошкі, выкананую з чыстага золата, змагаліся 15 катоў розных парод і узростаў.

© Sputnik Павел ВурКожны кот меркаваў, што ён - лепшы
Залатую котку вобласці выбіралі на міжнароднай выставе ў Віцебску - Sputnik Беларусь
Кожны кот меркаваў, што ён - лепшы

"Містэр кот" праводзіць нацыянальны адбор на міжнародны конкурс "Залатая котка" з 2014 года. Паколькі мы прадстаўнікі Сусветнай федэрацыі котак, то толькі наш клуб можа праводзіць у Беларусі падобныя мерапрыемствы", - дадала Рагачова-Кузака.

"Залатую котку" ўжо абралі ва ўсіх абласцях краіны, Віцебская - апошняя. А 10-11 лістапада ў Мінску з шасці пераможцаў абласных выстаў выберуць таго прадстаўніка каціных, які паедзе на міжнародны конкурс "Залатая котка" ў Санкт-Пецярбург.

Корм набываем у Беларусі

"Мы прыехалі на выставу з Масквы. Паколькі нашы мэйн-куны - пераможцы шматлікіх міжнародных выстаў, то мы ехалі, хутчэй, не за званнямі, а проста, каб паказаць сваіх катоў", - распавёў заводчык з Масквы Аляксандр.

Вялізныя каты адразу прыцягвалі да сябе ўвагу не толькі памерамі, але і жорсткім поглядам паляўнічага. Як распавёў Аляксандр, мэйн-кунов называюць "ласкавымі гігантамі з поглядам забойцы".

© Sputnik Павел ВурПадарункаў і ўзнагарод на выставе было шмат
Залатую котку вобласці выбіралі на міжнароднай выставе ў Віцебску - Sputnik Беларусь
Падарункаў і ўзнагарод на выставе было шмат

Нягледзячы на велізарныя памеры і суровы погляд, у заводчыка няма ніякіх шрамаў, якія маглі б пакінуць яму гадаванцы. Больш за тое, у стандарце гэтай пароды напісана, што ў іх не павінны быць агрэсіі, таму мэйн-куны, якія праяўляюць хоць бы найменшую злосць, выводзяцца з племянной гадоўлі. Бо калі такая махіна, як мэйн-кун, накінецца, - чалавеку дрэнна прыйдзецца.

"Нягледзячы на тое, што коткі гэтай пароды буйныя, на ежу для іх мы трацім адносна няшмат. Корм купляем прафесійны прэміум-класа, за якім даводзіцца ездзіць у Беларусь, паколькі ў Расіі менавіта гэтага, дарэчы, вядомага корму чамусьці няма", - дадаў Аляксандр.

Котка - гаспадыня ў доме

Як расказала карэспандэнту суддзя па ўсіх пародах Таццяна Цярошына, для таго, каб займацца катамі, трэба, па-першае, любіць іх, а, па-другое, нельга шкадаваць грошай на куплю кацяняці. Акрамя таго, перад тым, як купіць жывёлу на выставе, лепш падысці да эксперта, каб той ацаніў, наколькі яна адпавядае пародзе.

© Sputnik Павел ВурТаццяна Цярошына тлумачыць гледачам, наколькі ўдзельнік адпавядае сваёй пародзе
Залатую котку вобласці выбіралі на міжнароднай выставе ў Віцебску - Sputnik Беларусь
Таццяна Цярошына тлумачыць гледачам, наколькі ўдзельнік адпавядае сваёй пародзе

"Для кожнай пароды існуе свой стандарт, які апісвае фенатып кошкі, гэта значыць яе знешні выгляд. Апісанне ўсіх стандартаў можна знайсці на сайце сусветнай федэрацыі котак. Хоць, у адрозненне ад выстаў сабак, у нас на выставах ёсць клас беспародных жывёл, якія таксама спаборнічаюць паміж сабой і атрымліваюць падарункі. Яшчэ адно немалаважнае адрозненне ад сабак - у катоў недапушчальна купіраваць хвасты ці вушы", - дадала Цярошына.

© Sputnik Павел ВурЛежеть ў клетцы - не самы прыемны занятак, але выбару няма
Залатую котку вобласці выбіралі на міжнароднай выставе ў Віцебску - Sputnik Беларусь
Лежеть ў клетцы - не самы прыемны занятак, але выбару няма

Таццяна Цярошына больш за 25 гадоў працуе з коткамі. У жанчыны дзве вышэйшыя адукацыі, але самае цяжкае, па яе словах, было атрымаць судзейскую кваліфікацыю, на гэта сышло восем гадоў. Экзамены Цярошына здавала ў Германіі ў офісе Сусветнай федэрацыі котак, па кожнай групе катоў асобна - і генетыку, і стандарты пароды, і многае іншае.

© Sputnik Павел ВурДанскі сфінкс - парода, якую вывелі ў СССР ў 1987 годзе
Залатую котку вобласці выбіралі на міжнароднай выставе ў Віцебску - Sputnik Беларусь
Данскі сфінкс - парода, якую вывелі ў СССР ў 1987 годзе

Адзін з найбольш важных саветаў, якія яна можа даць гаспадарам чатырохногіх: нельга карміць катоў хатняй ежай, паколькі гэтыя жывёлы - драпежнікі. Па словах Цярошынай, калі даваць коткам хатнюю ежу, то баланс у іх кішачніку можа быць парушаны і жывёла захварэе. Лепш за ўсё выкарыстоўваць кармы прэміум-класа.

У канцы Цярошына дадала: калі чалавек завёў сабе ката, то чацвераногі гадаванец будзе "вяроўкі віць" з ўладальніка, паколькі "гаспадыня ў хаце - котка".

Стужка навiн
0
Спачатку новыяСпачатку старыя
loader
У эфіры
Заголовок открываемого материала
Міжнародны
InternationalEnglishАнглійскіMundoEspañolІспанскі
Еўропа
DeutschlandDeutschНямецкіFranceFrançaisФранцузскіΕλλάδαΕλληνικάГрэчаскіItaliaItalianoІтальянскіČeská republikaČeštinaЧэшскіPolskaPolskiПольскіСрбиjаСрпскиСербскіLatvijaLatviešuЛатышскіLietuvaLietuviųЛітоўскіMoldovaMoldoveneascăМалдаўскіБеларусьБеларускiБеларускі
Закаўказзе
АҧсныАҧсышәалаАбхазскіԱրմենիաՀայերենАрмянскіAzərbaycanАzərbaycancaАзербайджанскіХуссар ИрыстонИронауАсецінскіსაქართველოქართულიГрузінскі
Бліжні Усход
Sputnik عربيArabicАрабскіTürkiyeTürkçeТурэцкіSputnik ایرانPersianФарсіSputnik افغانستانDariДары
Цэнтральная Азія
ҚазақстанҚазақ тіліКазахскіКыргызстанКыргызчаКіргізскіOʻzbekistonЎзбекчаУзбекскіТоҷикистонТоҷикӣТаджыкскі
Усходняя і Паўднёва-Усходняя Азія
Việt NamTiếng ViệtВ'етнамскі日本日本語Японскі俄罗斯卫星通讯社中文(简体)Кітайскі俄罗斯卫星通讯社中文(繁体)Кітайскі
Паўднёвая Амерыка
BrasilPortuguêsПартугальскі