МІНСК, 23 кас - Sputnik. Самы доўгі ў свеце марскі мост адкрылі ў Кітаі, у цырымоніі адкрыцця прымаў удзел і старшыня КНР Сі Цзіньпін.
Марскі мост злучае гарады Ганконг, Макаа і Чжухай, яго даўжыня - 55 кіламетраў. Цікава збудаванне не толькі памерамі, але і структурай.
У структуру моста ўваходзяць 23-кіламетровы надводны мост, сямікіламетровы падводны тунэль і некалькі штучных выспаў.
З-за асаблівасцяў адміністрацыйнага дзялення паміж мацерыковым Кітаем з аднаго боку і Ганконгам з Макаа з другога боку ўсталяваныя кантрольна-прапускныя пункты.
Важнасць адкрыцця моста на ўрачыстасці з нагоды адкрыцця збудавання пацвердзіў і старшыня КНР Сі Цзіньпін.
Інжынеры запэўніваюць, што мост зможа працаваць да 120 гадоў. Мяркуецца, што ён здольны вытрымаць тайфуны і землятрусы.
