МІНСК, 25 кас - Sputnik. Старажытную лодку-човен на дне ракі Нёман знайшлі беларускія навукоўцы ў раёне вёскі Нікалаева, паведаміла прэс-служба Акадэміі навук Беларусі.
Сёння пачалася суместная экспедыцыя супрацоўнікаў Інстытута гісторыі НАН і дайвінг-цэнтра "Марскі Пегас" па падняццю лодкі на бераг. Зараз яна знаходзіцца на глыбіні ад 0,4 да 1,5 метраў і на адлегласці ад 2 да 5 метраў ад берага.
Човен каля вёскі Нікалаева Іўеўскага раёна Гродзенскай вобласці знайшлі мясцовыя жыхары. Прыкладная даўжыня знаходкі складае каля 8 метраў, шырыня – 0,9 метра, вышыня – больш за 60 сантыметраў.
Такія лодкі нашы продкі выкарыстоўвалі ў гаспадарцы – яны былі асноўным відам транспарту для старажытных жыхароў на тэрыторыі Беларусі, пачынаючы з перыяда каменнага веку. У некаторых мясцовасцях іх выкарыстоўвалі да другой паловы ХХ стагоддзя.
Пасля ўзняцця лодкі на бераг яе адправяць у Нацыянальную акадэмію навук для правядзення аналізаў, кансервацыі і экспанавання.
