МІНСК, 25 кас - Sputnik. Кароткачасовыя ападкі ў выглядзе дажджу і снегу чакаюцца ў Беларусі ў выхадныя, паведамілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
У пятніцу сіноптыкі чакаюць кароткачасовых ападкаў. "26 кастрычніка чакаецца воблачна з праясненнямі. Уначы на большай частцы тэрыторыі, удзень, пераважна па ўсходняй палове рэспублікі, кароткачасовыя ападкі (дождж, магчымы мокры снег). Уначы і раніцай месцамі слабы туман", - распавялі ў Белгідраметцэнтры.
На паўднёвым захадзе краіны ўначы будзе дзьмуць парывісты вецер. Начныя замаразкі чакаюцца на ўсходзе Беларусі (да 0 ..- 2°С), у сярэднім жа ўначы тэмпература апусціцца да +1..+6°С. Удзень паветра прагрэецца максімальна да +4..+10°С.
Выхадныя таксама будуць пахмурнымі. У суботу, 27 кастрычніка, амаль па ўсёй Беларусі пройдуць кароткачасовыя дажджы, у начныя гадзіны на паўночным усходзе - з мокрым снегам. Уначы будзе ад -2°С па ўсходзе рэспублікі да +6°С па захадзе. Пасля абеду тэмпература паднімецца да +5°С па поўначы і +13°С па поўдні Беларусі.
"28 кастрычніка ўначы надвор'е будзе вызначаць тылавая частка цыклону, удзень амаль уся краіна будзе знаходзіцца ў полі павышанага атмасфернага ціску, толькі ў паўднёва-заходніх раёнах рэспублікі адаб'ецца ўплыў франтальнага падзелу", - распавялі сіноптыкі.
У нядзелю ў начныя і ранішнія гадзіны ў паўночна-ўсходняй частцы краіны, а ўдзень месцамі спецыялісты чакаюць кароткачасовых ападкаў у выглядзе дажджу і мокрага снегу. Уначы будзе да -2..+5°С, удзень - да +2..+8°С.
