ВІЦЕБСК, 25 кас - Sputnik. Акрамя нагляднага напамінання пра дату, у горадзе на Дзвіне пройдуць святочныя канцэрты, прысвечаныя стагоддзю арганізацыі, і адкрыццё "Сквера моладзі", якое таксама прымяркуюць да юбілею.
Нягледзячы на тое, што УЛКСМ перастаў існаваць каля 30 гадоў таму, у дзень яго стагоддзя - 29 кастрычніка - па ўсёй краіне пройдуць святочныя мерапрыемствы.
"Вядома, мы разумеем, што моладзь паступова змяняе старэйшае пакаленне і гісторыя забываецца. Але, як бы там ні было, практычна ўсе людзі "ва ўзросце" былі сябрамі УЛКСМ, і для іх камсамол - гэта светлыя ўспаміны з маладосці. І, калі быць адкрытымі, у камсамола ёсць чаму павучыцца ў плане выхавання моладзі", - растлумачылі карэспандэнту Sputnik у Віцебскім гарвыканкаме.
Там дадалі, што ў святкаванні стогадовага юбілею УЛКСМ не трэба шукаць палітычнага падтэксту. Хутчэй, гэта магчымасць для старэйшага пакалення лішні раз успомніць маладосць і сустрэцца са старымі сябрамі.
Таксама супрацоўнікі гарвыканкама адзначылі, паколькі БРСМ з'яўляецца правапераемнікам камсамола, то можна казаць пра тое, што ў гэтым годзе краіна адзначае стагоддзе моладзевага руху Беларусі.
