Моцныя ліўні, якія напярэдадні накрылі частку Італіі, закранулі і Венецыю. Яшчэ ў мінулы панядзелак гарадскія ўлады зачынілі доступ на вядомую славутасць - плошчу Сан-Марка. Размешчаныя там крамы і розныя ўстановы на час зачыніліся.
Паводка стала адной з самых моцных за ўсю гісторыю горада - узровень вады ў цэнтральнай частцы дасягнуў 156 сантыметраў. З 1966 года, калі было зафіксавана 194 сантыметры, узровень вады перавышаў паўтара метра чатыры разы.
Сіноптыкі сцвярджаюць, што вада ўжо пайшла на спад - плануецца, што з серады ўзровень знізіцца да 110 сантыметраў і будзе паступова змяншацца.
Хоць самі венецыянцы ўжо прывыклі да такога роду падзей у гэты час года - увосень вецер сірока прыганяе ў Венецыянскую лагуну ваду з Адрыятычнага мора. А з яе вада трапляе ў гарадскія каналы і разліваецца па вуліцах і плошчах. Аднак у гэты раз сітуацыю пагоршылі моцныя ліўні.
