МІНСК, 31 кас - Sputnik. Савецкі і ўкраінскі мастак-мультыплікатар, рэжысёр "Прыгод капітана Врунгеля" Давід Чаркаскі памёр ва Украіне ва ўзросце 86 гадоў, паведаміў прэм'ер-міністр краіны Уладзімір Гройсман.
"Памёр Давід Чаркаскі. "Востраў скарбаў", "Прыгоды капітана Врунгеля". Бязмежны гумар, шчырая ўсмешка і добры позірк. Нам будзе не хапаць вас", - напісаў Гройсман у Twitter.
Помер Давид Черкаський. "Острів скарбів", "Пригоди капітана Врунгеля". Безмежний гумор, щира посмішка і добрий погляд. Нам буде не вистачати Вас. pic.twitter.com/mOETIuVwCX
— Volodymyr Groysman (@VGroysman) 30 октября 2018 г.
Сябар Чаркаскага Аляксандр Меламуд напісаў у Facebook, што рэжысёр два месяцы правёў у рэанімацыі пасля інсульту. Увесь гэты час урачы змагаліся за яго жыццё.
"Да апошняга дня перад хваробай ён увесь час паўтараў, што жыццё цудоўнае", - сказаў Меламуд.
Дата і месца пахавання Чаркаскага стануць вядомыя пазней.
Чаркаскі - стваральнік мультсерыялаў "Прыгоды капітана Врунгеля" і "Востраў скарбаў", рэжысёр такіх вядомых мультфільмаў, як "Чараўнік Оз", "Доктар Айбаліт", "Кракадзіл і сонца", "Вяртанне на востраў скарбаў", "Крылы", "Вакол свету нехаця".
