У музычнай праграме фестывалю "Хэлоўін", які пройдзе ўвечары у сераду ў сталічным клубе "Бруге", будуць удзельнічаць дзевяць яркіх каманд, сярод якіх украінскія майстры псіхадэлічнага року "Sinoptik", а таксама беларускія гурты "Племя" і "Эвтаназия".
У цэлым святкаванне Хэлоўіна вырашана зрабіць постапакаліптычным, распавёў у МПЦ Sputnik Беларусь арганізатар фестывалю Аляксандр Рак.
"Мы стараемся рэалізаваць паўнавартасны "хэлаўінскі" карнавал, таму ёсць агульная тэматыка ўсяго мерапрыемства, якая ў гэтым годзе прысвечана свету постапакаліпсіса. Будзе спецыяльнае афармленне памяшкання, спецыяльныя канструкцыі. Ёсць вялікая колькасць аніматараў, якія будуць iграць персанажаў з фільмаў і ўзаемадзейнічаць з гледачамі", - распавёў Рак.
На адмысловай арэне ў клубе пройдуць відовішчныя гладыятарскія баі ў выкананні каскадзёраў. Акрамя таго, публіку чакае знаёмства з шаманскай культурай, а таксама паказальнае шоу майстроў ёгі, здольных "рабіць няўяўныя рэчы са сваім целам, напрыклад, пратыкаць сябе пруткамі", падзяліўся планамі арганізатар.
Фрагмент гутаркі з арганізатарам фестываляў этнакультуры, кіраўніком экстрым-тэатра "Берсерк" Аляксандрам Ракам слухайце на радыё Sputnik Беларусь.
Чытайце таксама:
- Альтэрнатыўны Хэлоўін: фільмы жахаў на беларускай мове
- Тэст: які вы беларускі нячысцік?
- Вужалка і Баламуцень: якім беларускім нячысцікам можна апрануцца на Хэлоўін
