МІНСК, 31 кас - Sputnik. Прыём ва ўрадзе Малдовы і экскурсію па вінаробных прадпрыемствах паабяцалі тысячнаму пасажыру рэйса авіякампаніі "Белавія" Мінск - Кішынёў, які адкрыўся ў аўторак.
Такія ўшанаванні гарантаваў тысячнаму пасажыру або пасажырцы прэм'ер-міністр Малдовы Павел Філіп.
"Тысячны пасажыр, які прыляціць з Мінска ў Кішынёў, будзе прыняты ва ўрадзе і зможа наведаць адно з вінаробных прадпрыемстваў Малдовы", - сказаў малдаўскі прэм'ер.
Ён заклікаў беларусаў актыўна прыязджаць у Малдову і ў сваю чаргу паабяцаў з боку мясцовых жыхароў надаць беларускім гасцям усю ўвагу.
Філіп сам апрабаваў новы рэйс - ён адправіўся ў Мінск. Кіраўнік урада лічыць, што новы маршрут адкрые бізнес-магчымасці, а таксама павялічыць паток турыстаў як з Малдовы, так і з Беларусі.
Новы рэйс будзе выконвацца пяць разоў на тыдзень. Цана за квіток у адзін бок - 83 еўра, у два - 153. Ляцець у Кішынёў або назад у Мінск на Embraer 175, які будуць абслугоўваць рэйс, каля паўтары гадзіны.
