Урачыстая цырымонія адкрыцця ХХV Мінскага міжнароднага кінафестывалю "Лістапад" адбылася напярэдадні ў сталічным кінатэатры "Масква".
"Тут заўсёды пануе атмасфера творчай свабоды, няспыннага духоўнага пошуку і сумленнага спаборніцтва", - зачытаў прывітальнае слова прэзідэнта Беларусі Аляксандра Лукашэнкі намеснік прэм'ер-міністра Ігар Петрышэнка.
У сваім пасланні кіраўнік дзяржавы выказаў упэўненасць, што юбілейны кінафестываль парадуе гледачоў і падорыць гучныя прэм'еры, яркія сустрэчы з зоркамі кіно.
Кінафестываль "Лістапад-2018" пройдзе ў беларускай сталіцы з 2 па 9 лістапада. Адкрыў праграму "Лістапада" фільм "Халодная вайны" паляка Паўла Паўлікоўскі.
1/16
© Sputnik / Марина Серебрякова
Мінск прымае кінафестываль "Лістапад" ужо ў 25-ы раз. На гэты раз у беларускую сталіцу прывезлі амаль 170 фільмаў з 48 краін. Упершыню ўдзел у кінафоруме прымаюць ПАР і Кенія.
2/16
© Sputnik / Марина Серебрякова
Слоган кінафоруму ў гэтым годзе - "Спазнаючы белы свет", прысвечаны рэжысёру Кіры Муратавай.
3/16
© Sputnik / Марина Серебрякова
На адкрыцці фестывалю - зоркі айчыннага кінематографа. Публіка вітала народнага артыста Беларусі рэжысёра Аляксандра Яфрэмава, акцёраў Валерыю Арланаву, Уладзіміра Мішчанчука, Таццяну Мархель, Святлану Сухавей, Валянціну Гарцуеву і многіх іншых.
4/16
© Sputnik / Марина Серебрякова
Акцёры ахвотна раздавалі аўтографы і размаўлялі з прыхільнікамі.
5/16
© Sputnik / Марина Серебрякова
Удзельнікі кінафоруму пакідалі свае аўтографы на талерцы, якая затым спатрэбілася, каб адкрыць фестываль.
6/16
© Sputnik / Марина Серебрякова
Ганаровым госцем кінафестывалю стала народная артыстка РСФСР Святлана Немаляева.
7/16
© Sputnik / Марина Серебрякова
Святлана Немаляева з радасцю фатаграфавалася з прыхільнікамі. А на адкрыцці фестывалю прызналася ў каханні да Мінска.
8/16
© Sputnik / Марина Серебрякова
У асноўны конкурс ігравога кіно ўвойдуць 12 фільмаў, дакументалістыку прадставяць 13 карцін, 11 дэбютных работ прадэманструюць падчас конкурсу "Маладосць на маршы".
9/16
© Sputnik / Марина Серебрякова
Вядучымі цырымоніі адкрыцця былі Вера Палякова і Яўген Перлін.
10/16
© Sputnik / Марина Серебрякова
Рустам Сагдулаеў (злева) у гэтым годзе - ганаровы госць "Лiстапада".
11/16
© Sputnik / Марина Серебрякова
На другім паверсе "Масквы" арганізавалі лаунж-зону, дзе можна было паслухаць музыку, пагутарыць і выпіць шампанскага.
12/16
© Sputnik / Марина Серебрякова
Намеснік прэм'ер-міністра Ігар Петрышэнка зачытаў прывітанне ўдзельнікамі фестывалю ад імя Аляксандра Лукашэнкі. "Ужо чвэрць стагоддзя наш кінафорум прэзентуе аўдыторыі цікавыя, якасныя і глыбокія фільмы, выконваючы высокую асветніцкую місію і захоўваючы прыхільнасць сваім прынцыпам і традыцыям", - гаворыцца ў звароце.
13/16
© Sputnik / Марина Серебрякова
На адкрыцці ўручылі спецпрыз прэзідэнта Беларусі "За захаванне і развіццё традыцый духоўнасці ў кінамастацтве". Ім ганараваны Рустам Сагдулаеў.
14/16
© Sputnik / Марина Серебрякова
Рустам Сагдулаеў падзякаваў за ўзнагароду і прызнаўся, што яна стала для яго нечаканасцю.
15/16
© Sputnik / Марина Серебрякова
Святлану Немаляеву ўзнагародзілі спецыяльным прызам "Кіно без межаў".
16/16
© Sputnik / Марина Серебрякова
Форум афіцыйна адкрыўся пасля таго, як Рустам Сагдулаеў разбіў талерку з аўтографамі ўдзельнікаў аб штатыў кінакамеры.
