МІНСК, 9 ліс - Sputnik. Традыцыйнае свята "Дзень артылерыста" пройдзе на Лініі Сталіна 17 лістапада, паведамілі ў гісторыка-культурным комплексе.
Наведвальнікаў чакае рэканструкцыя эпізода Сталінградскай бітвы, у якой будуць удзельнічаць члены ваенна-гістарычных клубаў і ваенная тэхніка тых часоў.
Акрамя таго, у праграме – інтэрактыўныя зоны, конкурсы на веданне гісторыі вайсковай справы. Дзецям арганізатары прапануюць бавіць час у спецыяльным пакоі, дзе маленькія госці змогуць зрабіць танк-арыгамі ці намаляваць яго.
Мерапрыемства прысвечана прафесійнаму святу ўсіх ветэранаў і ваеннаслужачых ракетных войскаў і артылерыі, якое штогод адзначаецца ў Беларусі.
