МІНСК, 11 ліс - Sputnik. Хакейны клуб "Дынама-Мінск", як і абяцаў, напярэдадні важнага старту назваў імёны новага трэнерскага штаба.
Галоўным трэнерам, як і меркавалі журналісты, стаў Андрэй Сідарэнка, які ўзначальваў нацыянальную зборную па хакеі.
Яго памочнікам стаў адзін з лепшых нападнікаў у гісторыі беларускага хакея Андрэй Кавалёў, які будзе адказваць за "гульню ў большасці" і "атакі". А таксама Дзмітрый Краўчанка, якога называюць адным з лепшых спецыялістаў па рабоце з рэзервам і развіццю гульцоў.
З усімі спецыялістамі заключаны кантракты да канца гэтага сезона.
Новаму трэнерскаму штабу трэба будзе "зарадзіць машыну" на гульню 12 лістапада на "Чыжоўка-Арэне" супраць чалябінскага "Трактара".
