МІНСК,15 ліс - Sputnik. У мемарыяльным комплексе "Брэсцкая крэпасць-герой" знайшлі супрацьтанкавую міну часоў Вялікай Айчыннай вайны, пра гэта паведамілі Sputnik ва УУС Брэсцкага аблвыканкама.
Па словах начальніка аддзела інфармацыі і грамадскіх сувязяў УУС Брэсцкага аблвыканкама Сяргея Дучэнкі, у аўторак у вобласці было выяўлена два снарады з розніцай у паўгадзіны.
"13 лістапада ў 09:55 на беразе вадаёма недалёка ад вёскі Медна выяўленая граната РГД-33 часоў Вялікай Айчыннай вайны", - паведаміў Дучэнка.
Праз паўгадзіны ў міліцыю паступіла аналагічнае паведамленне: яшчэ адзін снарад часоў Вялікай Айчыннай вайны быў знойдзены рабочымі ў Брэсцкай крэпасці.
"На беразе ракі Мухавец на тэрыторыі "Брэсцкай крэпасці-героя" знойдзена супрацьтанкавая міна ТМ-35", - растлумачыў прадстаўнік УУС.
Абодва снарады былі знішчаны спецыялістамі сапёрна-піратэхнічных груп.
