Бліскучая праца: да Новага года ў Мінску з'явіцца новая светлавая скульптура

© Sputnik / Виктор ТолочкоЗубр усталяваны практычна на ўездзе ў горад
Зубр усталяваны практычна на ўездзе ў горад - Sputnik Беларусь
Sputnik высветліў, хто запальвае ў Мінску "агні вялікага горада" і якіх сюрпрызаў чакаць сталіцы да святаў.

Велізарных светлавых скульптур ў цэнтры Мінска становіцца ўсё больш. І гэта не можа не радаваць. Бо яны дадаюць гораду чароўны настрой, асабліва перад чарадой навагодніх святаў.

Мастак Веніямін Маршак "запаліў" у Мінску ўжо не адну светлавую скульптуру і пагадзіўся правесці невялікую экскурсію для Sputnik.

Клоўну не хапае музыкі

Незвычайнага клоўна ля цырка Маршак зрабіў у супрэматычным стылі. Гэтая кампазіцыя з алюмінія не проста свеціцца па вечарах, мастак залажыў у яе асаблівую драматургію.

© Sputnik / Виктор ТолочкоСупрэматычны клоўн сустракае мінчан каля Белдзяржцырка
Бліскучая праца: да Новага года ў Мінску з'явіцца новая светлавая скульптура - Sputnik Беларусь
Супрэматычны клоўн сустракае мінчан каля Белдзяржцырка

Тыя, хто гуляе па праспекце Незалежнасці ў вячэрні час, часам падоўгу затрымліваюцца ля цырка, назіраючы за клоўнам, які свеціцца. Падсвятленне гэтай скульптуры прадумана так, што цыркач як бы рухае рукамі і нагамі.

"Калі б гэтую кампазіцыю дапоўніла музычнае афармленне, успрыманне было б яшчэ больш жывым і радасным", - упэўнены аўтар.

На плошчы Якуба Коласа таксама нядаўна з'явілася светлавая кампазіцыя. Па задумцы Веніяміна Маршака, гэта музычная ліра, якая раз'ехалася на дзве часткі і як бы апраўляе віньеткай помнік паэту.

Яшчэ нядаўна суцэльна кампазіцыю можна было ўбачыць толькі днём. А ўвечары, калі загаралася ліра, неасветлены помнік сыходзіў у цемру.

© Sputnik / Виктор ТолочкоМузычная ліра на плошчы Якуба Коласа па задумцы мастака як бы раз"ехалася на дзве часткі і апраўляе віньеткай помнік паэту
Бліскучая праца: да Новага года ў Мінску з'явіцца новая светлавая скульптура - Sputnik Беларусь
Музычная ліра на плошчы Якуба Коласа па задумцы мастака як бы раз"ехалася на дзве часткі і апраўляе віньеткай помнік паэту

Але літаральна на днях усталявалі падсвятленне і помніку паэту. Цяпер, на думку мастака, уся плошча ўспрымаецца больш арганічна.

Зубр на праспекце Дзяржынскага - самая буйная праца Маршака. Яе вышыня - 7,5 метраў. Спецыяльна для гэтага звера горад абраў пляцоўку з вялікай палянай.

"Ён устаноўлены практычна на ўездзе ў горад і мог бы выглядаць больш манументальна, сімвалізуючы яго прыгажосць і моц, калі б побач не знаходзіўся яшчэ больш вялізны рэкламны шчыт, які прымяншае маштаб Зубра", - адзначае аўтар.

© Sputnik / Виктор ТолочкоСуседства з рэкламным шчытом, на думку мастака, аптычна памяншае фігуру
Бліскучая праца: да Новага года ў Мінску з'явіцца новая светлавая скульптура - Sputnik Беларусь
Суседства з рэкламным шчытом, на думку мастака, аптычна памяншае фігуру

Як загараюцца агні вялікага горада

Зрабіць светлавую скульптуру, распавёў Веніямін Маршак, не проста. Спачатку ён прыдумляе канцэпцыю, потым стварае вобраз у эскізах, далей робіць макет, потым канструктары на яго падставе рыхтуюць чарцяжы. І пачынаецца вытворчасць.

© Sputnik / Виктор ТолочкоТакія скульптуры дадаюць Мінску святочнага настрою
Бліскучая праца: да Новага года ў Мінску з'явіцца новая светлавая скульптура - Sputnik Беларусь
Такія скульптуры дадаюць Мінску святочнага настрою

"Заўсёды з трапятаннем чакаеш, што атрымаецца ў выніку", - прызнаецца аўтар работ.

У нашай краіне не многа фірмаў, якія бяруцца за такую складаную і адказную працу - вырабіць канструкцыю ў форме, зададзенай мастаком.

Навагодні кірмаш на Камароўцы - Sputnik Беларусь
"Кошты з мінулага года не змяняліся": навагодні рад адкрываецца на Камароўцы

"Мае работы робяць на адным прыватным прадпрыемстве, я задаволены выкананнем усіх сваіх ідэй. Усё зроблена бліскуча у прамым і пераносным сэнсе", - кажа Маршак.

Мастак працуе над яшчэ адной гарадской замовай, якая стане навагоднім падарункам для ўсіх мінчан і гасцей беларускай сталіцы. Вельмі хутка на Кастрычніцкай плошчы з'явяцца святочныя сані ў запрэжцы, вакол якіх засвецяцца вясёлыя казачныя персанажы.

"Новая праца нічым не будзе нагадваць губернскага каня ля гарадской Ратушы, усталяванага раней. Тая кампазіцыя не аўтарская, хоць я і дапамагаў у яе вырабе. Гэты кавалачак казкі з усімі персанажамі я прыдумаў сам і спадзяюся, што яны ўсім спадабаюцца", - кажа Маршак.

Стужка навiн
0
Спачатку новыяСпачатку старыя
loader
У эфіры
Заголовок открываемого материала
Міжнародны
InternationalEnglishАнглійскіMundoEspañolІспанскі
Еўропа
DeutschlandDeutschНямецкіFranceFrançaisФранцузскіΕλλάδαΕλληνικάГрэчаскіItaliaItalianoІтальянскіČeská republikaČeštinaЧэшскіPolskaPolskiПольскіСрбиjаСрпскиСербскіLatvijaLatviešuЛатышскіLietuvaLietuviųЛітоўскіMoldovaMoldoveneascăМалдаўскіБеларусьБеларускiБеларускі
Закаўказзе
АҧсныАҧсышәалаАбхазскіԱրմենիաՀայերենАрмянскіAzərbaycanАzərbaycancaАзербайджанскіХуссар ИрыстонИронауАсецінскіსაქართველოქართულიГрузінскі
Бліжні Усход
Sputnik عربيArabicАрабскіTürkiyeTürkçeТурэцкіSputnik ایرانPersianФарсіSputnik افغانستانDariДары
Цэнтральная Азія
ҚазақстанҚазақ тіліКазахскіКыргызстанКыргызчаКіргізскіOʻzbekistonЎзбекчаУзбекскіТоҷикистонТоҷикӣТаджыкскі
Усходняя і Паўднёва-Усходняя Азія
Việt NamTiếng ViệtВ'етнамскі日本日本語Японскі俄罗斯卫星通讯社中文(简体)Кітайскі俄罗斯卫星通讯社中文(繁体)Кітайскі
Паўднёвая Амерыка
BrasilPortuguêsПартугальскі