Радыё

Крук: карані фэншуя жывуць у беларускім народным календары

Падпісацца
Этнограф Іван Крук на працягу доўгіх гадоў скрупулёзна вядзе летапіс беларускай абрадавай спадчыны. Нагодай для сустрэчы ў студыі радыё Sputnik Беларусь сталі новыя кнігі даследчыка беларускіх традыцый, цікавыя факты народнага календара і яго сувязь з кітайскім фэншуем.

Ніводны народ не адрозніваецца ад іншага ў нейкіх фундаментальных паняццях, перакананы Іван Крук. Узяць любое народнае свята - у ім, як правіла, праводзяцца тры галоўныя ідэі: працягнуць род, палепшыць побыт і аддаць даніну памяці продкам.

Паўлава: ручнік суправаджаў беларуса ад нараджэння да смерці - Sputnik Беларусь
Відэа
Паўлава: ручнік суправаджаў беларуса ад нараджэння да смерці

"Безумоўна, трэба вывучаць культуру іншых народаў, але праз прызму нацыянальнай ідэнтыфікацыі. Вазьміце модны сёння фэншуй, у ім няма нічога новага, абсалютна ўсё, што ёсць у нашай нацыянальнай традыцыі", - распавядае Крук.

Некалькі гадоў таму навукоўцу прыйшоў ліст ад культуролага з Кітая, якая ў свой час вучылася ў Беларусі, з просьбай аб перавыданні беларускага календара на кітайскай мове. Кніга пра тое, як правільна весці хатнюю гаспадарку, была паспяхова перавыдадзеная і карыстаецца папулярнасцю ў жыхароў Паднябеснай.

Па словах суразмоўцы радыё Sputnik Беларусь, аснова любога народнага свята - падвядзенне вынікаў (сезонных, бытавых, сямейных) і закладка асноў на будучыню. Беларуская восень заканчваецца Міхайлавым днём, перакідаючы масток на першыя зімовыя святы Варварын дзень і дзень Святога Мікалая Цудатворца. У Магілёўскай вобласці ёсць фантастычна цікавы абрад "Мікольская свечка", кажа этнограф, але пра гэта лепш распавесці ў першыя дні зімы.

Поўную версію размовы з беларускім навукоўцам, культуролагам, даследчыкам народных традыцый Іванам Круком у студыі радыё Sputnik Беларусь глядзіце на відэа.

Стужка навiн
0