МІНСК, 22 ліс - Sputnik. Чатырохразовая алімпійская чэмпіёнка - беларуская фехтавальшчыца Алена Бялова перадала ў музей Нацыянальнага Алімпійскага камітэта каштоўныя экспанаты, паведамілі ў прэс-службе НАК.
Дзякуючы спартсменцы музей папоўніўся падарункамі, якія Бялова атрымала на святкаванні 50-годдзя Алімпіяды ў Мехіка, якая прайшла ў 1968 годзе. На тых гульнях беларуска здолела заваяваць дзве ўзнагароды вышэйшай вартасці.
"Каштоўныя прадметы з рук заслужанай спартсменкі прымаў генеральны сакратар НАК Беларусі Георгій Катулін", - сказалі ў прэс-службе.
Цяпер наведвальнікі музея НАК змогуць убачыць сертыфікат, таблічку з імёнамі і аўтографамі ўсіх удзельнікаў святочных юбілейных мерапрыемстваў у Мехіка і спецыяльны імянны куфэрак Бяловай з сімвалам Алімпійскіх гульняў - голубам міру.
Па словах Катуліна, новыя экспанаты музея дапамогуць яго экскурсантам, перш за ўсё школьнікам, больш даведацца пра легендарную беларускую чэмпіёнку.
