Навіна дня: выязное паражэнне ад "Адмірала" пацярпела мінскае "Дынама" ў чарговым матчы рэгулярнага чэмпіянату КХЛ. Нягледзячы на тое, што на лёдзе сустрэліся каманды, роўныя па сіле, лік у гульні "Адмірал" - "Дынама-Мінск" размеркаваўся наступным чынам: 5:1 (1:1, 3:0, 1:0).
Пагаршэнне вынікаў "Дынама-Мінск" выклікана надыходам выязной серыі, бо ў гасцях каманда не настолькі моцная, як дома. Акрамя таго, траўміраваны адзін абаронца, а таксама на выязную серыю не ўзялі траіх нападаючых, якія ў гэтым сезоне практычна не выходзілі на лёд.
З чатырох выязных матчаў хакеісты "Дынама" правялі ўжо тры гульні, у якіх адну выйгралі па булітах і дзве, на жаль, прайгралі з буйным лікам - 4:1 і 5:1. У нашых хакеістаў для таго, каб папоўніць скарбонку кубкавых ачкоў, застаецца толькі адна гульня, якая пройдзе 25 лістапада ва Уфе з "Салаватам Юлаевым".
Поўную версію размовы з прадстаўнікамі хакейнага клуба "Дынама-Мінск" у студыі радыё Sputnik Беларусь глядзіце ў відэатрансляцыі.
