МІНСК, 26 ліс - Sputnik. Памятны знак пісьменніка Чынгіза Айтматава адкрылі ў Мінску, перадае карэспандэнт Sputnik.
У цырымоніі ў парку імя славутага савецкага і кыргызскага пісьменніка прынялі ўдзел кіраўнікі ўрадаў Беларусі і Кыргызстана Сяргей Румас і Мухамедкалый Абылгазіеў.
Па словах Румаса, народы дзвюх краін звязваюць агульныя гісторыя і каштоўнасці. "Парк у маляўнічым месцы Мінска стане культавым месцам", - лічыць беларускі прэм'ер.
![Фотафакт: памятны знак Чынгіза Айтматава адкрылі ў Мінску Фотафакт: памятны знак Чынгіза Айтматава адкрылі ў Мінску - Sputnik Беларусь](https://cdnn11.img.sputnik.by/img/103886/03/1038860305_0:0:3000:1997_600x0_80_0_0_9d06efae92071e8bac6ea90503c5ddc7.jpg)
У сваю чаргу прэм'ер Кыргызстана падзякаваў беларускаму боку за ўшанаванне памяці Айтматава ў Мінску. Пры гэтым Абылгазіеў выказаў надзею, што "парк, названы ў гонар пісьменніка, стане месцам прыцягнення для творчых людзей".
![Фотафакт: памятны знак Чынгіза Айтматава адкрылі ў Мінску Фотафакт: памятны знак Чынгіза Айтматава адкрылі ў Мінску - Sputnik Беларусь](https://cdnn11.img.sputnik.by/img/103886/03/1038860398_0:0:3000:1997_600x0_80_0_0_87243b8272ee14f1c9bd69b449b95e71.jpg)
Урачыстае мерапрыемства наведаў і Надзвычайны і Паўнамоцны Пасол Расійскай Федэрацыі ў Рэспубліцы Беларусь Міхаіл Бабіч, ён усклаў кветкі да памятнага знака. Засведчыць даніну павагі таленту Айтматава прыйшлі прадстаўнікі дзяржаўных органаў Беларусі, дыпламатычнага корпуса, а таксама простыя мінчане.
![Фотафакт: памятны знак Чынгіза Айтматава адкрылі ў Мінску Фотафакт: памятны знак Чынгіза Айтматава адкрылі ў Мінску - Sputnik Беларусь](https://cdnn11.img.sputnik.by/img/103886/04/1038860498_0:0:3000:1997_600x0_80_0_0_a429efe7b6e980de4ca127401e5c2a41.jpg)
Парку на вуліцы Ванеева прысвоілі імя Чынгіза Айтматава летам 2018 года па рашэнні кіраўніцтва Мінгарвыканкама.