МІНСК, 26 ліс - Sputnik. Беларуская тэнісістка Арына Сабаленка апусцілася на 13-е месца ў рэйтынгу Жаночай тэніснай асацыяцыі (WTA), новая версія якога апублікавана на афіцыйным сайце арганізацыі.
Сабаленка ў мінулым спісе займала 11-ы радок, з гэтай пазіцыі яе зрушыла прадстаўніца Латвіі Анастасія Севастава.
У топ-100 знаходзяцца яшчэ тры беларускі: Аляксандра Сасновіч размяшчаецца на 30-м месцы, Вікторыя Азаранка - на 51-м, Вера Лапко - на 65-м. Усе яны захавалі свае пазіцыі.
У дзесятцы наймацнейшых без зменаў. Першае месца належыць румынцы Сімоне Халеп. Другая - немка Ангеліка Кербер, трэцяя - датчанка Караліна Вазняцкі. Замыкае топ-10 расіянка Дар'я Касаткіна.
