МІНСК, 27 ліс - Sputnik. Першы Міжнародны інклюзіўны дзіцяча-юнацкі фестываль-форум "Стварэнне" адкрыўся ў Мінску.
Выступаць удзельнікі форуму будуць не толькі ў Доме Масквы, але і ў Храме-помніку ў гонар усіх святых. Выступленне кожнага канкурсанта ў дзень адкрыцця зрывала авацыі.
"Мэта форуму - прыцягненне ўвагі дзяржаўных арганізацый і камерцыйных структур да праблем сацыялізацыі дзяцей-інвалідаў, іх маральная і матэрыяльная падтрымка", - распавялі арганізатары.
На сцэне Дома Масквы выступяць стыпендыяты і падапечныя Фонду Юрыя Розума ў СНД і ЕС, ансамбль баяністаў Курскага каледжа сляпых, навучэнцы Гродзенскай школы-інтэрната для дзяцей з парушэннем зроку, дзіцячы інклюзіўны хор "Радасць Душы", студэнты спецыялізаванага інстытута мастацтваў.
Арганізатарам выступіў Міжнародны дабрачынны фонд Юрыя Розума ў СНД і ЕС, пры падтрымцы ўстановы "Беларускі культурны цэнтр духоўнага Адраджэння" і Усіхсвяцкага прыхода Мінска.
