МІНСК, 30 ліс - Sputnik. Акадэмік Расійскай акадэміі навук (РАН) Жарэс Алфёраў быў шпіталізаваны ў Маскве, паведаміла РІА "Новости" са спасылкай на РАН.
Паводле інфармацыі акадэміі, у цяперашні час 88-гадовы навуковец знаходзіцца ў адной з клінік расійскай сталіцы.
Пакуль не вядома, чаму менавіта Алфёраў трапіў у медыцынскую ўстанову, і ў якім стане ён знаходзіцца.
Жарэс Алфёраў нарадзіўся 15 сакавіка 1930 года ў Віцебску. У 2000 годзе ён атрымаў Нобелеўскую прэмію па фізіцы за распрацоўку паўправадніковых гетэраструктур і стварэнне хуткіх опта- і мікраэлектронных кампанентаў. Алфёраў з'яўляецца ганаровым прафесарам Беларускага дзяржаўнага ўніверсітэта і мае дзве беларускія дзяржаўныя ўзнагароды - Ордэн Францыска Скарыны і Ордэн Дружбы.
