https://bel.sputnik.by/20181204/pilipauka-posnyya-stravy-z-garbuza-1026448540.html

Снежань зямлю грудзіць, хаты студзіць, год канчае, зіму пачынае

Снежань зямлю грудзіць, хаты студзіць, год канчае, зіму пачынае

Sputnik Беларусь

Этнограф Ларыса Мятлеўская распавядае пра гісторыю і традыцыі Увядзення і вучыць гатаваць смачныя стравы з гарбузоў. 04.12.2018, Sputnik Беларусь

2018-12-04T15:24+0300

2018-12-04T15:24+0300

2016-12-09T10:07+0300

спадчына

у беларусі

цiкавосткi

стыль жыцця

падзеі і даты

беларусь

ларыса мятлеўская

піліпаўка

суп з гарбуза

https://cdnn11.img.sputnik.by/img/102644/81/1026448132_0:295:3200:2104_1920x0_80_0_0_8a52cafd0b4dfe3377d84146857919f3.jpg

Ларыса Мятлеўская, Sputnik.У пачатку месяца Праваслаўная царква адзначае Увядзенне ў храм Прасвятой Багародзіцы. Гэта хрысціянскае свята, заснаванае на позніх апокрыфах, распавядае аб тым, як бацькі Божай Маці святы Іаакім і святая Ганна, выконваючы зарок прысвяціць сваё дзіця Богу, у трохгадовым узросце прывялі сваю дачку Марыю ў Іерусалімскі храм, пры якім яна жыла 12 гадоў да сваіх заручын з праведным Іосіфам.Марыйчына дзівоснае дзяцінстваАб маленстве Дзевы Марыі амаль нічога не вядома. Але нават і тое, што можна прачытаць аб тым далёкім часе, апавядае аб мностве дзіўных падзей. Дзіва тое, што немаладая бяздзетная пара вымаліла ў Бога дзіця. Усяго 3 гады цешыліся бацькі дачушкай, і вось надышоў час, калі яны прывялі Марыю да храма, паставілі на першую прыступку і адпусцілі. А дзяўчынка, не азіраючыся на блізкіх, хуценька ўскараскалася ажно да пятнаццатай, чым моцна здзівіла прысутных.Далей яна ўзяла за руку добрага Захарыю, які быў першасвятаром у Іерусалімскім храме, і той адвёў яе адразу ў алтар, дзе Марыя практычна пасялілася. У храме яна жыве па строгім распарадку: моліцца, вучыцца чытаць і пісаць, займаецца рукадзеллем і… размаўляе з анёламі. Аднойчы Захарыя заўважыў, што нехта прыносіць ёй есці, і быў моцна здзіўлены, паколькі пабачыў кагосьці незвычайнага з выгляду. Незнаёмец размаўляў з Дзеваю і падаваў ёй ежу - гэта быў архангел Гаўрыіл. На тое Захарыя ўзрушана заўважыў: "Што гэта за новая і незвычайная з’ява!"Далей быў яшчэ не адзін цуд. Маці Божая, сама не ведаючы таго, з самага свайго нараджэння атрымлівае ласку ў вачах Творцы свету. Ёй наканавана стаць той, хто народзіць Збаўцу ўсяго чалавецтва ад граху, смерці, праклёну. І момант Увядзення ў храм з’яўляецца прадвесцем гэтай вялікай справы. У Еўропе свята адзначаюць з другой паловы XIV стагоддзя, хоць пачатак яго святкавання ляжыць у глыбокай старажытнасці. Божай Маці прысвечана шмат узнёслых радкоў, яе асоба хвалюе мастакоў, паэтаў, проста вернікаў і дагэтуль.Вернікі ў гэты дзень прамаўляюць:Народная метэаралогіяНазву афіцыйнага свята праваслаўнай царквы народ тлумачыў па-свойму: Бог прыводзіць зіму на зямлю. Дарэчы, пасля свята прадугледжвалася магчымае пацяпленне: "Уведзенне разбіваець ледзенне". Па снежні, як лічылі ў народзе, раўняліся вясна і лета. Казалі, што калі снежань сухі – і яны будуць сухія, а выдасца цёплы, дык і лета такое ж.Менавіта такое надвор’е неабходна, каб вырасціць добры ўраджай гарбузоў. З гарбуза гатуюць нямала розных страў. Іх пякуць, смажаць, вараць кашы з рознымі крупамі. У Брэсцкай вобласці гарбузы запякаюць у печы цэлымі, фаршыруюць іх ягадамі чарніц, сухафруктамі, крупамі, дадаюць малако.Гарбуз з сухафруктамі запечаны цэлыТрэба выбраць спелы гарбуз сярэдніх памераў і ўзяць пару жмень сумесі сухафруктаў.Спосаб прыгатавання: спелы гарбуз сярэдняга памеру памыць, адрэзаць шляпку з хвосцікам так, каб атрымалася каструлька з крышкай. Дастаць з сярэдзіны гарбузікі і добра выскрэбсці лыжкай сценкі. Загадзя замочаныя сухафрукты дробна насячы разам з мякаццю гарбуза, дадаць цукар па смаку і ўсё добра перамяшаць, заправіць у гарбуз. Накласці зверху гарбуза шляпку і акуратна прыціснуць, паставіць гарбуз у глыбокую патэльню і запякаць у печы прыкладна паўтары гадзіны. Чаз запякання залежыць ад велічыні гарбуза. У духоўцы гарбуз запякаюць пры тэмпературы сто дзевяноста градусаў крыху больш за дзве гадзіны.Суп з гарбузаАбабраць гарбуз, выняць мякаць і семкі, пакрышыць на дробныя кубікі, заліць вадой так, каб яна толькі пакрывала яго зверху, і адварыць да мяккасці. Працерці гарбузовую масу праз густое сіта, а яшчэ лепей скарыстацца міксерам ці блэндэрам. Пакуль гарбуз варыцца, парэзаць кубікамі булку і абсмажыць яе на алеі без водару, пільна сочачы пры гэтым, каб грэначкі не падгарэлі. Наліць густы суп-пюрэ ў талеркі і пакласці туды перад падачай па жменьцы грэнак. Гэты суп таксама можна зрабіць салёным, дадаць зярняткі кмену і заправіць яго грэнкамі з чорнага хлеба.Калі скончыцца пост, то найсмачнейшы варыянт гэтага супчыка з малаком або вяршкамі, а грэнкі лепш смажыць на вяршковым масле.

https://bel.sputnik.by/20211203/pravaslaunyya-4-snezhnya-svyatkuyuc-uvyadzenne-u-hram-prasvyatoj-bagarodzicy-1032319973.html

беларусь

2018

Навіны

ru_BY

спадчына, у беларусі, цiкавосткi, стыль жыцця, падзеі і даты, беларусь, ларыса мятлеўская, піліпаўка, суп з гарбуза