МІНСК, 9 сне - Sputnik. Беларуска Марыя Васілевіч увайшла ў пяцёрку лепшых на конкурсе "Міс свету", а галоўнай прыгажуняй планеты стала прадстаўніца Мексікі Ванэса Понсэ дэ Леон, такая інфармацыя была размешчана ў афіцыйным запісе конкурсу ў Instagram.
Васілевіч стала адзінай прадстаўніцай Еўропы ў пяцёрцы лепшых і дасягнула самага высокага выніку для Беларусі за ўсю гісторыю ўдзелу краіны ў гэтым конкурсе.
Конкурс праходзіў у кітайскім горадзе Санья на працягу месяца. За гэты час удзельніцы праходзілі розныя выпрабаванні, якія дазвалялі прыгажуням раскрыць свой патэнцыял, за імі назіралі члены журы. Зыходзячы з таго, як дзяўчыны праявілі сябе, суддзі выбіралі пераможцаў у намінацыях "Міс топ-мадэль", "Міс талент", "Міс інтэлект", "Міс спорт", "Міс дабрачыннасць", "Міс мультымедыя" і "Міс танец свету".
У гэтым годзе за званне "Міс свету" змагаліся прыгажуні са 118 краін свету. У фінале конкурсу прыгажуні выканалі танцы сваіх народаў, а таксама паказалі творчыя нумары і прадэфіліравалі ў вячэрніх сукенках.
Дваццацігадовая студэнтка БДЭУ Марыя Васілевіч з Мінска стала лепшай з трыццаці ўдзельніц нацыянальнага конкурсу і атрымала званне "Міс Беларусь". Рыхтавацца да міжнароднага конкурсу прыгажосці яна пачала яшчэ ў маі 2018 года. Пра тое, як праходзіла падрыхтоўка да "Міс свету" і што везла з сабой у Кітай першая беларуская прыгажуня, раней пісаў Sputnik.
