МІНСК, 17 сне - Sputnik. Фантастычны баявік "Аквамен" стаў лідарам па памеры касавых збораў у мінулыя выхадныя, сведчаць дадзеныя партала Mojo.
"Аквамен" - новы супергеройскі баявік сусвету DC. Стужка распавядае гісторыю аднаго з членаў "Лігі справядлівасці", у якую таксама ўваходзяць Бэтмен, Цуд-жанчына, Флэш і Кібарг.
"Аквамен", які выйшаў на мінулым тыдні, стаў адным з лепшых фільмаў сусвету DC як па водгуках, так і па касавых зборах. Дэбютная каса баевіка перавысіла 260 мільёнаў долараў - як прагназуюць эксперты, стужка зможа пазмагацца за месца ў топ-10 самых паспяховых карцін года.
Таксама ў цэлым станоўчыя і водгукі на фільм "Аквамен": на партале Rotten Tomatoes адзнака крытыкаў складае 70%, што нядрэнна для масавага кіно. На сайце IMDb сайту паставілі адзнаку 7,9 з дзесяці.
Галоўную ролю ў "Аквамене" выканаў Джэйсан Мома, вядомы дзякуючы вобразу Кхала Дрога ў "Гульні тронаў". Рэжысёрам карціны выступіў Джэймс Ван, які здымаў некаторыя часткі "Пілы" і "Чары". Бюджэт "Аквамена" склаў 160 мільёнаў долараў, гэта значыць акупілася стужка ў першыя ж выхадныя.
