МІНСК, 19 сне - Sputnik. Марознае і без ападкаў надвор'е будзе ў Беларусі ў чацвер, 20 снежня, паведамілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя.
Па прагнозах сіноптыкаў, у чацвер у краіне чакаецца воблачнае з праясненнямі надвор'е, істотных ападкаў не будзе. У начныя і ранішнія гадзіны ў некаторых раёнах будзе слабы туман. На дарогах краіны - галалёдзіца.
Ноччу тэмпература паветра апусціцца да -5..-11°С, месцамі пры праясненнях мароз узмоцніцца да -12..-16°С. У дзённыя гадзіны слупок тэрмометра ў розных раёнах рэспублікі пакажа ад -3°С да -10°С.
У Мінску ў чацвер будзе воблачна і без ападкаў. У начны час тэмпература паветра апусціцца да -1..-10°С, днём слупок тэрмометра дасягне адзнакі ў -7..-9°С.
У канцы тыдня ў Беларусь прыйдзе пацяпленне і сур'ёзныя ападкі. Тэмпература паветра будзе трымацца ў раёне 0°С, пройдуць завеі і мокры снег.
