МІНСК, 19 сне - Sputnik. Сярэдні заробак работнікаў бюджэтнай сферы ў наступным годзе вырасце на 70 рублёў, заявіў у сераду журналістам кіраўнік Мінфіна Беларусі Максім Ермаловіч.
Прыняты дэпутатамі бюджэт на 2019 г. захоўвае сваю сацыяльную накіраванасць, у тым ліку і прадугледжвае магчымасць павышэння даходаў грамадзян.
"У наступным годзе зарплата (у бюджэтнікаў - Sputnik) вырасце на 70 рублёў у месяц", - заявіў міністр.
Такім чынам, рэспубліка выйдзе на патрабаваны ўзровень суадносін сярэдняй зарплаты ў цэлым і сярэдняй зарплаты ў бюджэтнай сферы ў 80%.
"У далейшым будзем працаваць над павышэннем даходаў нізкааплатных катэгорый бюджэтнікаў", - паабяцаў Ермаловіч.
Таксама, нагадаў міністр, у наступным годзе прадугледжаны і дадатковыя трансферты ў ФСАН для забеспячэння ўзроўню сярэдняй пенсіі ў 40% ад сярэдняй зарплаты.
