Першы матч у сезоне Сабаленка згуляе з Марыяй, Азаранка - з Уільямс

© REUTERS / Geoff BurkeТэнісістка Арына Сабаленка
Тэнісістка Арына Сабаленка - Sputnik Беларусь
Падпісацца
Беларускія тэнісісткі пачнуць новы сезон у апошні дзень адыходзячага года.

МІНСК, 29 сне - Sputnik. Першая ракетка Беларусі Арына Сабаленка правядзе першы ў новым сезоне супраць немкі Таццяны Марыі на турніры ў кітайскім Шэньчжэне, паведамляе Sputnik.

Арына Сабаленка захавала 13-е месца ў рэйтынгу WTA - Sputnik Беларусь
Арына Сабаленка захавала 13-е месца ў рэйтынгу WTA

Асноўная сетка турніру з прызавым фондам 626 тысяч долараў стартуе 31 снежня. У першым крузе спаборніцтваў беларуска згуляе супраць прадстаўніцы Германіі Таццяны Марыі. У выпадку поспеху Сабаленка выйдзе на пераможцу ў пары Кацярына Аляксандрава (Расія) - Даліла Якуповіч (Славенія).

Экс-першая ракетка свету Вікторыя Азаранка таксама 31 снежня правядзе свой першы матч у новым сезоне. На турніры, прызавы фонд якога складае 225 тысяч долараў, у новазеландскім Оклендзе Азаранка пазмагаецца з амерыканкай Вінус Уільямс.

Яшчэ адна беларуска Аляксандра Сасновіч адкрые сезон-2019 у аўстралійскім Брысбене (прызавы фонд 900 тысяч долараў). Яе саперніцай стане пераможца кваліфікацыйнага раўнду. А ў другім крузе першынства Сасновіч можа сустрэнецца з украінкай Элінай Світолінай. Дарэчы, тэнісісткі год таму гулялі ў фінале гэтага ж турніру, тады мацней была прадстаўніца Украіны.

Стужка навiн
0