Новы 2019 год стане вельмі напружаным, практычна ўсіх чакаюць вялікія перамены - ці ў лепшы бок, ці ў горшы, але ў любым выпадку кожнаму трэба быць вельмі асцярожным, папярэджвае суразмоўніца радыё Sputnik, латвійскі астрапсіхолаг Яніна Талкунова.
"Напрыклад, тыя, хто ў шлюбе, могуць развесціся, калі няправільна будуць сябе паводзіць, і наадварот, вельмі многія людзі знойдуць сваю другую палову", - кажа Талкунова.
З сакавіка па кастрычнік 2019 года ўвесь свет будзе знаходзіцца пад знакам Панны, што можа прадракаць пэўныя поспехі ў працы, пачатак новых спраў, у тым ліку ў бізнесе, распавядае астрапсіхолаг.
"Але нават калі чалавек зарабіў добрыя грошы, іх нельга будзе ўкладаць, напрыклад, у нерухомасць або неяк глабальна марнаваць, таму што тады можна ўсё страціць, то бок вельмі асцярожнымі трэба быць у грашовых справах і з нерухомасцю", - раіць субяседніца.
Новы год прынясе шматлікія перамены і вялікую разнастайнасць падзей - як пазітыўных, так і негатыўных, але баяцца не варта, проста трэба быць асцярожней і як мага больш займацца якой-небудзь стваральнай дзейнасцю, адзначае астрапсіхолаг.
Каментар латвійскага астрапсіхолаг Яніны Талкуновай слухайце на радыё Sputnik Беларусь.
