Напярэдадні Раства праца тут кіпіць. Некаторыя майстры працуюць па 10 гадзін у суткі - каб паспець данесці радасць да кожнага дома.
А пачынаецца падрыхтоўка да аднаго з самых светлых святаў у майстэрні яшчэ ў маі. Работнікі прыдумляюць новыя вырабы, малююць эскізы і ствараюць пробную партыю. Часам даводзіцца штосьці дапрацоўваць, перарабляць.
Сувенір выконваецца ў некалькі этапаў. Спачатку са шкла па форме выразаюцца дэталі, потым іх вострыя краі апрацоўваюць на станку. Дэталі змацоўваюць клеем і адпраўляюць у печ. Тут будучыя анёлачкі і зорачкі знаходзіцца каля двух сутак, абпал праходзіць пры тэмпературы 750°C. У завяршэнні - вырабы распісваюць спецыяльнай фарбай і паўторна змяшчаюць у печ.
"Стараемся, каб кожны год у нас быў асаблівы. Каб погляд быў заўсёды жывы. У гэтым годзе са шкла стварылі "Калядную зорку" і шмат іншых вырабаў. З'явілася душэўнае сямейства свінак - бацькі і малы. Або вось напрыклад - выдатныя зорачкі з усмешкай" , - паказвае на сувеніры брат Аляксандр.
У майстэрні працуюць, як правіла, мірскія людзі, якія цягнуцца да Бога. Напрыклад, сястра Марыя прызнаецца, што не ўяўляе сябе без гэтай творчасці - яна дорыць ёй шчасце.
"Адчуваю шчасце, радасць, свабоду. Я і раней займалася творчасцю, але тут знайшла сваё прызначэнне, свой стыль. Больш за ўсё люблю рабіць маляўнічыя сувеніры, з якімі можна пафантазіраваць", - адзначае сястра Марыя.
Брат Міхась прыйшоў у манастыр у 14 гадоў, а шклом займаецца апошнія тры гады. Працаваць са шклом нескладана, калі табе гэта цікава, дзеліцца сакрэтамі ён. Ёсць пэўныя законы, трэба ўсяго толькі іх адчуць і запомніць.
"Напярэдадні Раства прыходзіцца працаваць па 10 гадзін, вельмі умацоўвае малітва. Такога задавальнення, як у майстэрні, я не атрымліваю нідзе", - дадае брат Міхаіл.
Якія сувеніры ствараюць да Каляд у майстэрні манастыра, глядзіце ў нашай фотастужцы.
