Прэзідэнт Беларусі Аляксандр Лукашэнка павіншаваў праваслаўных з Калядамі, паведамілі ў прэс-службе кіраўніка дзяржавы.
"Гэта свята аб'ядноўвае мільёны хрысціянаў у іх самых светлых і чыстых думках", - гаворыцца ў віншаванні.
Таксама кіраўнік дзяржавы адзначыў, што Каляды абуджаюць у сэрцах лепшыя пачуцці: любоў да бліжняга, міласэрнасць, веру ў перамогу дабра. На думку прэзідэнта, Каляды умацоўваюць сямейныя повязі і згоду ў грамадстве.
"Няхай хараство калядных дзён падорыць вам радасць зносін з блізкімі, надасць духоўных сіл у высакародных памкненнях і пачынаннях у імя людзей, роднай Беларусі і свету на Зямлі. Жадаю вам моцнага здароўя, шчасця і душэўнага цяпла", - гаворыцца ў святочным пасланні прэзідэнта праваслаўным беларусам.
Божае Нараджэнне - гэта адзін з галоўных хрысціянскіх святаў, усталяваны ў гонар з'яўлення на свет Езуса Хрыста. Праваслаўныя адзначаюць яго 7 студзеня. Вернікі ў гэты дзень вітаюць адзін аднаго "Хрыстос нарадзіўся!", адказваючы "Славім Яго!".
