МІНСК, 8 сту - Sputnik. Маразы захаваюцца ў Беларусі і ў бліжэйшы аўторак, 8 студзеня, паведамілі ў Белгідрамеце.
Маразы прыйшлі ў Беларусі перад выхаднымі: слупкі тэрмометраў апусціліся да -5..-8 днём і да -15..-18 уначы.
Паводле прагнозаў сіноптыкаў, не адступяць маразы і ў бліжэйшыя дні. Удзень у аўторак тэмпература паветра складзе -4..-10 градусаў. Месцамі магчымы невялікі снег і слабая мяцеліца, на асобных участках дарог захаваецца галалёдзіца.
Вецер у аўторак прагназуецца паўднёва-заходні, паўднёвы ўмераны. Часам магчымы парывы.
Згодна з папярэднім прагнозам, адступаць маразы будуць толькі ў канцы гэтага тыдня: ужо ўдзень у суботу чакаецца -1..-3, уначы -3..-6.
