МІНСК, 12 сту - Sputnik. Магчымы спіс прэтэндэнтаў, якія змогуць прадставіць Расію на папулярным песенным конкурсе "Еўрабачанне-2019", апублікаваў партал Super.
У так званы шорт-ліст трапілі сем артыстаў. Сярод іх:
- Вольга Бузава
- Аляксандр Панаётаў
- Manizha
- Ягор Крыд
- Лена Цемнікава
- Філіп Кіркораў
- Сяргей Лазараў
Цікава, што 51-гадовы "кароль" расійскай эстрады Філіп Кіркораў раней заракаўся не ездзіць на конкурс у якасці выканаўцы. Аднак дзякуючы новай хвалі папулярнасці ў бягучым годзе ў яго ёсць шанцы на перамогу ў адборы.
Імя артыста, які будзе прадстаўляць Расію на "Еўрабачанні" ў Ізраілі, стане вядома ў сярэдзіне студзеня. Краіна адмовілася ад адкрытага нацыянальнага адбору, і ўдзельнік проста будзе прызначаны.
44-ы міжнародны конкурс песні "Еўрабачанне-2019" пройдзе ў маі. Горадам правядзення шоу абраны Тэль-Авіў, даты - 14 і 16 мая (паўфіналы) і 18 мая (фінал).
