МІНСК, 14 сту - Sputnik. Апеляцыйны суд Херсонскай вобласці пакінуў у сіле рашэнне пра падаўжэнне арышту кіраўніка партала РІА "Новости Украина" Кірыла Вышынскага да 27 студзеня.
Вышынскі знаходзіцца пад вартай з сярэдзіны мая мінулага года. Абарона журналіста падала апеляцыю на апошняе рашэнне аб прадаўжэнні тэрміну арышту да 27 студзеня, адпаведнае пасяджэнне адбылося ў панядзелак у Апеляцыйным судзе Херсонскай вобласці.
Нягледзячы на ўсе довады абароны, суд вырашыў пакінуць у сіле рашэнне аб арышце Вышынскага да 27 студзеня. Пасля гэтага, хутчэй за ўсё, зноў будзе разглядацца пытанне аб падаўжэнні тэрміну зняволення пад вартай.
Раней пастаянны прадстаўнік Расіі пры АБСЕ Аляксандр Лукашэвіч заяўляў пра тое, што разгляд судом справы Вышынскага зацягваецца з-за фактычнай адсутнасці ва ўкраінскіх уладаў доказаў яго віны.
Вышынскага ўзялі пад варту ў Кіеве ў сярэдзіне мая гэтага года. Журналіста падазраюць у падтрымцы самаабвешчаных ДНР і ЛНР, а таксама дзяржаўнай здрадзе.
Прэзідэнт Расіі Уладзімір Пуцін называў сітуацыю беспрэцэдэнтнай: ён падкрэсліваў, што Вышынскага арыштавалі "за яго прамую прафесійную дзейнасць, за ажыццяўленне яго журналісцкай функцыі". Масква накіравала Кіеву ноты пратэсту з патрабаваньнем спыніць гвалт над прадстаўнікамі прэсы.
Прадстаўнік АБСЕ па пытаннях свабоды СМІ Арлем Дэзір раней выказаў сур'ёзную трывогу ў сувязі з дзеяннямі Кіева ў дачыненні да РІА "Новости Украина". Выказвалі занепакоенасць сітуацыяй і многія іншыя міжнародныя арганізацыі і структуры.
