Фініш на спушчаным коле: Вязовіч на 7-м этапе "Дакара" стаў другім

© Photo : "МАЗ-СПОРТавто"Фініш на спушчаным коле: Вязовіч на 7-м этапе "Дакара" стаў другім
Фініш на спушчаным коле: Вязовіч на 7-м этапе Дакара стаў другім - Sputnik Беларусь
Падпісацца
Лідар беларускай каманды паступова скарачае адставанне і займае сёмы радок агульнага заліку грузавікоў.

МІНСК, 15 сту - Sputnik. Экіпаж Сяргея Вязовіча заняў другое месца ў заліку грузавікоў на сёмым этапе ралі-рэйду "Дакар-2019", сведчаць дадзеныя арганізатараў гонкі.

Перамог на этапе галандзец Жэрар дэ Рой на Iveco з часам 4 гадзіны 47 хвілін і 27 секунд. Вязовіч саступіў пераможцу каля 31 хвіліны. Трэцім стаў экіпаж Эдуарда Нікалаева на Камазе, які фінішаваў у чатырох хвілінах ад МАЗа.

Сяргей Вязовіч на ралі Дакар - Sputnik Беларусь
Прыкры штраф: 6-ы этап "Дакара" зблытаў карты МАЗам

Аднак не ўсё было проста ў 501-га каміёна - за лічаныя кіламетры ад фінішу машына стукнулася аб камень і, як вынік - прабітае кола. Экіпаж нават не стаў яго змяняць і паехаў далей, проста знізіўшы хуткасць.

"Замена кола ўстала б у хвілін 10, не менш. Таму дабраліся да фінішу са спушчаных колам", - цытуе Вязовіча Facebook "чырвоных зуброў".

Аляксандр Васілеўскі прыехаў на фініш дзесятым. Выніковыя пазіцыі ў беларусаў - 7 месца ў Вязовіча, а экіпаж Васілеўскага замыкае топ-10. Каміёна Аляксея Вішнеўскага пакуль няма ў заліку - па інфармацыі каманды ён сутыкнуўся з тэхнічнымі праблемамі і выдаткаваў шмат часу на іх вырашэнне, пасля чаго прыняў рашэнне заначаваць у пустыні і працягнуць гонку на досвітку.

У заліку пазадарожнікаў лідарства ўтрымлівае катарац Насэр Аль-Атыя, другі - француз Стэфан Петэрансель, трэці - іспанец Нані Рома. У матацыклістаў на першым месцы ў заліку - амерыканец Рыкі Брабец, на другім радку - француз Адрыен Ван Б'юерэн, трэці - аўстраліец Тобі Прайс. У заліку квадрацыклаў першыя месцы на працягу некалькіх этапаў утрымліваюць тры аргентынцы - Нікалас Кавігліаса, Джэрэмайя Ферыёлі і Густава Галега.

Восьмы этап адной з самых складаных гонак планеты стартуе ў аўторак і пройдзе паміж гарадамі Сан Хуан дэ Маркона і Піска.

Стужка навiн
0