Беларускі скульптар Уладзімір Жбанкоў, вядомы не толькі ў Мінску і нават не толькі ў Беларусі сваімі рэалістычнымі фігурамі, нарадзіўся 26 студзеня 1954 года.
Ён скончыў Мінскае мастацкае вучылішча імя Глебава, а таксама мастацкі факультэт Беларускага дзяржаўнага тэатральна-мастацкага інстытута, дзе вучыўся на аддзяленні скульптуры, а таксама тры гады правёў у творчых майстэрнях Акадэміі мастацтваў СССР.
Уладзімір Жбанкоў працаваў выкладчыкам у Мінскім мастацкім вучылішчы імя Глебава.
Шматлікія яго скульптуры не толькі ўпрыгожваюць горад, але і паспелі набыць уласныя легенды. Прапануем успомніць, як выглядаюць самыя вядомыя з іх, і абраць сваю любімую скульптуру.
