МІНСК, 18 сту - Sputnik. Сезоннае захворванне на ВРІ знаходзіцца ў Беларусі на неэпідэмічным узроўні, сведчыць маніторынг эпідэміёлагаў РЦГЭіГЗ.
І хоць у паліклініках чэргі прыкметна павялічыліся, па словах спецыялістаў, часцей за ўсё беларусы пакутуюць ад вірусаў негрыпознай этыялогіі.
Больш за ўсё хварэюць дзеці і падлеткі да 18 гадоў - на іх долю прыпадае 62,7% усіх хворых.
Лабараторныя даследаванні выяўляюць у Беларусі адзінкавыя выпадкі цыркуляцыі вірусаў грыпу А (H1N1, H3N2) - часцей за ўсё іх рэгіструюць у непрышчэпленых ад грыпу пацыентаў.
Што ж тычыцца больш сур'ёзных формаў грыпу, у прыватнасці аналагаў вірусаў з антыгеннай структурай А (H1N1) 09, то яны ўваходзяць у склад усіх супрацьгрыпозных вакцын, якія ўжываюцца ў Беларусі ў апошнія гады і на думку эпідэміёлагаў, беларусам не пагражае.
Сур'ёзны рост захворвання на грып фіксуецца ў многіх Еўрапейскіх краінах, у тым ліку на Украіне - эпідэмія грыпу там аб'яўлена ў чатырох абласцях, дзве з якіх мяжуюць з Беларуссю.
У Ісландыі, Нарвегіі, Партугаліі, Швецыі і Турцыі ў апошнія тыдні адзначаецца шырокае распаўсюджванне вірусаў грыпу. У Грузіі з-за свінога грыпу памерла 15 чалавек.
Узровень вакцынацыі насельніцтва ў Беларусі ў гэтым сезоны быў досыць высокім і па прагнозах эпідэмія грыпу нам не пагражае, але медыкі нагадваюць аб прафілактычных мерах, якія неабходна выконваць у сезон ўздыму захворвання - часцей мыць рукі, пазбягаць месцаў вялікага збору людзей і пры першых прыкметах хваробы па магчымасці заставацца дома.
